• Latest news

Մետաղական նանոմասնիկները կարող են ոչնչացնել հակաբիոտիկների նկատմամբ կայուն մանրէների 90 տոկոսը

21 հունվարի, 2016  13:44

Հակաբիոտիկների նկատմամբ կայուն մանրէները ժամանակակից բժշկության ամենալուրջ խնդիրներից են. ամեն տարի հարյուր հազարավոր մարդիկ հիվանդանում են հակաբիոտիկներով չբուժվող հիվանդություններով, եւ, ցավոք, նրանցից շատերը մահանում են։ Այժմ Կոլորադոյի համալսարանի մի խումբ գիտնականներ նանոմասնիկներ են ստեղծել, որոնք կարող են օգնել լուծել այդ խնդիրը։

Դոկտոր Փրաշանթ Նագփալը եւ նրա գործընկերները պնդում են, որ իրենց մշակած մետաղական նանոմասնիկները կարող են ոչնչացնել հակաբիոտիկների նկատմամբ կայուն մանրէների 92 տոկոսը այդ թվում՝ սալմոնելիոզը, աղիքային ցուպիկը եւ ստաֆիլոկոկը։

Խոսքն այսպես կոչված քվանտային կետերի մասին է, որոնք ակտիվանում են կիսահաղորդիչների լույսով եւ որոնք մարդու մազից 20 000 անգամ բարակ են։ Կոնկրետ ալիքի լույսից լուսային ակտիվացում ստանալուց հետո նանոմասնիկները կարողանում են արդյունավետ եւ նպատակաուղղված ոչնչացնել հակաբիոտիկների նկատմամբ կայուն մանրէները՝ չվնասելով մյուս բջիջները։

Գիտնականները հույս ունեն, որ մոտ ապագայում կհաջողվի այդ նանոմասնիկները կիրառել բժշկական պրակտիկայում, ինչը կօգնի լուծել հակաբիոտիկների նկատմամբ կայուն մանրէների խնդիրը։

Այս հետազոտության մասին պատմում է Nature Materials ամսագիրը։

Նշենք, որ սա հակաբիոտիկների նկատմամբ կայուն ինֆեկցիաների դեմ պայքարում մետաղական նանոմասնիկների օգտագործման առաջին դեպքը չէ, սակայն նախորդ ուսումնասիրությունների ժամանակ մասնիկները ոչնչացնում էին ոչ միայն մանրէները, այլ նաեւ դրանց շրջապատող առողջ բջիջները։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ