Այովայի համալսարանի գիտնականները պարզել են, որ քաղցկեղի բջիջները «կամուրջների» օգնությամբ դեպի իրենց են ձգում այլ բջիջների: Գիտնականները տեսանյութ են հրապարակել, որում հնարավոր է տեսնել, թե քաղցկեղի բջիջներն ինչպես են գրավում առողջներին եւ ուռուցքներ ձեւավորում:
Հետազոտության ընթացքում ամերիկացի կենսաբանները պարզել են, որ քաղցկեղային բջիջներն ակտիվորեն գրավում են առողջներին (կամ քաղցկեղային այլ բջիջների), նրանց մեկնելով կամրջի նման մի բան, բռնելով հարեւանին եւ միաձուլվելով նրա հետ: Գիտնականները նաեւ նկատել են, որ ուռուցքի ձեւավորման համար առնվազն 5 տոկոս քաղցկեղային բջիջներ են անհրաժեշտ:
«Նրանք ոչ միայն կպչում են իրար, - ասում է Այովայի համալսարանի կենսաբանության պրոֆեսոր Դեւիդ Սոլը: Այդ բջիջներն ակտիվորեն «հավաքագրում են» այլ բջիջների: Դա բարդ, բայց ոչ պասիվ գործընթաց է: Ոչ ոք չի կռահում, որ դրան հատուկ բջիջներ են մասնակցում, որոնց շատ փոքր քանակությունը դեպի իրեն է ձգում մնացած բոլորին»:
Պրոֆեսոր Սոլի խոսքով, այդ բջիջները «ճշգրտորեն գիտեն, թե ինչ են անում», «նրանք ուռուցքներ են ստեղծում»: Գիտնականներն առայժմ պատրաստ չեն ճշգրիտ պատասխանել այն հարցին, թե նրանք ինչպես են անում դա:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր