• Latest news

Երեւանում կրծքի քաղցկեղով հիվանդ կանանց աջակցությանը նվիրված բարեգործական համերգ տեղի կունենա

26 փետրվարի, 2016  13:53

Էդգար Գյանջումյանի ղեկավարած մանկական երգչախումբը, ինչպես նաեւ երգիչներ Ալլա Լեւոնյանը, Լեյլա Սարիբեկյանը, Արսեն Գրիգորյանը եւ ուրիշներ հանդես կգան բարեգործական համերգին, որի նպատակը Հայաստանում կրծքի քաղցկեղի վերաբերյալ տեղեկությունների տարածումն է: Համերգի ընթացքում հավաքված բոլոր միջոցները  կծախսվեն կրծքի քաղցկեղով հիվանդ մի քանի կնոջ բուժման համար: Այդ մասին լրագրողներին պատմել է Հայաստանում «Եվրոպա Դոննա» կազմակերպության ներկայացուցիչ Նվարդ Քոչարյանը:

Նրա խոսքով, համերգի հիմնական առաքելությունը ոչ միայն գումարներ հավաքելն է, որոնք կօգնեն կազմակերպել գոնե մի քանի կնոջ բուժումը, այլեւ կրծքի քաղցկեղի մասին տեղեկությունների տարածումը: Ցավոք, Հայաստանում նման տեղեկատվությունն այնքան շատ չէ, որքան ցանկալի կլիներ, հատկապես երկրի մարզերում շատերը գործնականում ոչինչ չգիտեն ոչ այդ հիվանդության, ոչ դրա ախտորոշման կամ բուժման հեռանկարների մասին:

Համերգից հետո մեկ ամսվա ընթացքում կազմակերպիչները «Եվրոպա Դոննա» կազմակերպության հայկական ներկայացուցչության կայքում (որը ստեղծման փուլում է) հաշվետվություն կներկայացնեն այն մասին, թե որքան գումար է հավաքվել, ինչ է արվել եւ ով է բուժում ստանալու:

Կոմպոզիտոր Էդգար Գյանջումյանն իր հերթին նշել է, որ ինքը մեծ ուրախությամբ իր ղեկավարած մանկական երգչախմբի հետ կմասնակցի համերգին, որի ընթացքում երգչախումբը կկատարի նրա ստեղծագործություններից մի քանիսը: Իմիջիայլոց, ինքը` Գյանջումյանը սեփական փորձով գիտի, թե ինչ է քաղցկեղը. մոտ 11 տարի առաջ նա պայքարել է այդ հիվանդության դեմ եւ հաղթել է:

Ինչպես իր հերթին նշել է հասարակական գործիչ Սուսաննա Սերոբյանը, որը եւս ժամանակին հաղթահարել է քաղցկեղը, համերգի յուրաքանչյուր տոմսը «առողջության մի բջիջ է, որը կարող է օգնել որեւէ մարդու»:

Համերգը տեղի կունենա մարտի 3-ին` «Արամ Խաչատրյան» համերգային դահլիճում: Համերգի նշանաբանն է` «Դու մենակ չես»: Համերգով կտրվի նաեւ տեղեկատվական արշավի մեկնարկը, որը, ինչպես եւ համերգը, պիտի նպաստի Հայաստանում քաղցկեղի վերաբերյալ տեղեկատվության տարածմանը:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է