• Latest news

2015-ին հաշմանդամությամբ 700 մարդ Հայաստանում աշխատանք է գտել

15 մարտի, 2016  22:34

2015-ին հաշմանդամությամբ ավելի քան 700 մարդ Հայաստանում մշտական կամ ժամանակավոր աշխատանք է գտել: Զբաղվածության կենտրոններում ներկայումս հաշմանդամությամբ մոտ  2500 մարդ է գրանցված: Այդ մասին լրագրողներին պատմել է Հայաստանի աշխատանքի եւ սոցիալական հարցերի նախարար Արտեմ Ասատրյանը: 

Նրա խոսքով,  2016-ի փետրվարի 25-ին նախարարության կայքում տեղադրել էին այն պետական հաստատությունների ցուցակը, որոնք, նոր օրենքի համաձայն, պիտի որոշ քանակությամբ աշխատատեղեր ապահովեն հաշմանդամությամբ մարդկանց համար:   Ինքը` աշխատանքի եւ սոցիալական հարցերի նախարարությունը, նախարարի խոսքով, կատարել է պահանջը. այժմ նախարարությունը  հաշմանդամությամբ 13 աշխատակից ունի: 

2017-ից ի վեր, ինչպես հիշեցրել է նախարարը, նման պրակտիկան կսկսի կիրառվել նաեւ մասնավոր կազմակերպությունների շրջանում:  

Ինչպես իր հերթին նշել է «Ունիսոն» հասարակական կազմակերպության տնօրեն Արմեն Ալավերդյանը, այսօր Հայաստանում իրոք շատ բան է արվում հաշմանդամությամբ մարդկանց ինտեգրացիայի համար, սակայն չի կարելի ասել, թե այդ մարդկանց կյանքում կարելի է հսկայական դրական փոփոխություններ նկատել:  

Վերջերս հարյուրավոր մարդիկ աշխատանքի են տեղավորվել եւ շատ հաջող աշխատում են: Սակայն պետական սեկտորում միայն ԱԻՆ-ն ունի հաշմանդամությամբ աշխատակիցների մեծ քանակություն, մյուս կազմակերպություններն առայժմ պասիվ են: Միեւնույն ժամանակ մասնավոր սեկտորը, որքան էլ տարօրինակ է, ավելի ակտիվ է. Արմեն Ալավերդյանի խոսքով, շատ կազմակերպություններ, հասկանալով իրենց շահը, աշխատանքի են վերցնում հաշմանդամությամբ մարդկանց:  

Հասարակական գործիչը նաեւ նշել է, որ պետության կողմից հաշմանդամություն ունեցող մարդկանց մասնավոր փոխհատուցում էր վճարվում  2 տարով, իսկ այժմ`  ընդամենը 6 ամսով: Սակայն այդ ժամանակը կարող է բավարար չլինել, որպեսզի հաշմանդամությամբ մարդը բավարար քանակությամբ գիտելիքներ եւ փորձ ձեռք բերի եւ մրցունակ դառնա աշխատանքի շուկայում, որպեսզի նրա զբաղվածության խնդիրն ամբողջությամբ լուծված համարվի:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է