նախընտրելի դարձնել
Ասպիրինի ամենօրյա ընդունումը կարող է կրճատել աղիների քաղցկեղի ռիսկն ավելորդ քաշով եւ ճարպակալմամբ մարդկանց մոտ: Այդ մասին հայտնում են բրիտանական Newcastle-ի եւ Leeds-ի համալսարանի գիտնականները:
10 տարի տեւող հետազոտությունը ցույց է տվել, որ այդ ժողովրդականություն վայելող եւ ոչ թանկ հակաբորբոքային միջոցն իրոք զգալիորեն նվազեցնում է աղիների քաղցկեղի ռիսկը. ճարպակալմամբ մարդկանց մոտ, որոնք կանոնավոր կերպով ասպիրին են ընդունում, այդ հակաբորբոքային միջոցն իրոք զգալիորեն նվազեցնում է աղիների քաղցկեղի ռիսկը. ճարպակալմամբ մարդկանց մոտ, որոնք կանոնավոր կերպով ասպիրին են ընդունում, այդ ռիսկը գործնականում չի տարբերվում նորմալ քաշով մարդկանց ռիսկից:
Գիտնականները հետեւել են Լինչի համախտանիշով 1000 հիվանդի, այն մեծացնում է դեռեւս երիտասարդ տարիքում աղիների քաղցկեղի եւ այլ ուռուցքների ռիսկը: Կամավորները ամեն օր կամ ասպիրինի երկու հաբ են ընդունել, կամ` պլացեբո: Փորձարկման 55 մասնակցի մոտ աղիների քաղցկեղ է զարգացել հետագա 10 տարվա ընթացքում, եւ որքան շատ ավելորդ քաշ են ունեցել նրանք, այնքան բարձր է եղել ռիսկը. ճարպակալմամբ մարդիկ երեք անգամ ավելի հաճախակի են բախվել այդ քաղցկեղին սլացիկ մարդկանց համեմատ:
Հետազոտության հեղինակներից մեկը` պրոֆեսոր Ջոն Բերնը նշել է, որ արդյունքները, իհարկե, հետաքրքիր են, սակայն միայն ասպիրինի վրա հույս դնել չարժե. քաղցկեղի շատ տեսակների կանխարգելման համար անհամամետ ավելի կարեւոր է ջանալ ավելորդ քաշ չհավաքել եւ առողջ կենսակերպ վարել:
Այդ հետազոտության մասին հայտնում է Journal of Clinical Oncology-ն:
