նախընտրելի դարձնել
Սոյայի սոուսը իր մեջ ներառում է միացություններ, որոնք կարող են կանգնեցնել ՄԻԱՎ վարակի զարգացումը: Այս եզրակացությանն են եկել Միսսուրի նահանգի Համալսարանի բժշկական դպրոցի գիտնականները Ստեֆան Սարաֆյանոսի գլխավորությամբ:
EFdA մոլեկուլը բացահայտել են դեռեւս 2001թ-ին սոյայի սոուս արտադրող Yamasa ճապոնական ընկերության փորձագետները: Պարզվել է, որ այս միացությունը մեծ նմանություն ունի տենոֆիր հակավիրուսային դեղամիջոցի հետ, որը օգտագործվում է ՄԻԱՎ-ով վարակված հիվանդների բուժման համար:
Ինչպես հայտնել է Սարաֆյանոսը՝ տենոֆովիրի դեմ բուժվող հիվանդների մոտ ժամանակի ընթացքում դիմադրություն է առաջանում դեղամիջոցների դեմ: Սակայն ՄԻԱՎ-ով վարակված հիվանդները ավելի քիչ հավանական է, որ իմունիտետ ձեռք կբերեն EFdA մոլեկուլի նկատմամբ, քանի որ այն սկսում է ավելի արագ գործել եւ ավելի դանդաղ քայքայվել օրգանիզմում, քան տենոֆովիրը:
Գիտնականները արդեն փորձարկել են EFdA-ն ՄԻԱՎ - ով վարակված կապիկների վրա: «Այդ կենդանիները այնքան հիվանդ էին, որ նրանք պետք է շուտով մահանային: Սակայն EFdA ընդունելուց հետո մեկ ամիս անց, նրանք ավելի լավ են իրենց զգացել, իսկ ՄԻԱՎ-ի կոնցենտրացիան նկատելի չափով նվազել է իրենց արյան մեջ», - ասել է հետազոտողներից մեկը՝ Մայքլ Պարնիակը: Նրա փորձարկումները ցույց են տվել, որ EFdA մոլեկուլը այնքան ակտիվ է, որ դրա դեմ դիմադրություն չի զարգանում:
Այժմ EFdA արդյունավետությունը ՄԻԱՎ - ի դեմ պայքարում ստուգում է ամերիկյան դեղագործական հսկա Merck-ը:
