նախընտրելի դարձնել
Ապացուցված է, որ կանաչ թեյը նվազեցնում է բազմաթիվ հիվանդությունների, այդ թվում՝ քաղցկեղի եւ ինսուլտի վտանգը: Նման կարծիք է հայտնել ճապոնացի հետազոտող, գյուղատնտեսական գիտությունների դոկտոր Էիչի Ֆուկուսիման:
Նրա խոսքով՝ վերջերս այս արտադրանքի վերաբերյալ մեծ թվով համաճարակաբանական ուսումնասիրություններ են հայտնվել: Այդպես, օրինակ, 2021 թվականի մետաանալիզում վերլուծվել են մի քանի գիտական ուսումնասիրությունների արդյունքները, որոնք հաստատել են, որ կանաչ թեյի օգտագործումը նվազեցնում է էնդոմետրիումի, թոքերի եւ ձվարանների քաղցկեղի զարգացման ռիսկը, ինչպես նաեւ՝ սրտանոթային հիվանդություններից մահվան վտանգը:
«Կանաչ թեյի մեջ պարունակվող պոլիֆենոլները թեյի կատեխիններ են կոչվում: Դրանք հզոր հակաօքսիդիչ հատկություններ ունեն»,- ասել է Ֆուկուսիման Nihon Keizai-ին:
Ըստ մասնագետի՝ կատեխինները մեծացնում են նաեւ այն ֆերմենտների ակտիվությունը, որոնք ներգրավված են ճարպի քայքայման եւ օգտագործման մեջ, դրանք դյուրացնում են ճարպի օգտագործումը՝ օրգանիզմն էներգիայով ապահովելու համար:
Հետազոտողը նաեւ նշել է, որ կանաչ թեյի մեջ պարունակվող կատեխիններն ու թեանինը նվազեցնում են գրիպով հիվանդանալու հավանականությունը 5 ամիս այն խմելուց հետո:
