Սինգապուրի Նանյանգի տեխնոլոգիական համալսարանի մի խումբ միջազգային գիտնականներ պարզել են, որ  Neisseria-ը՝ մարդու օրգանիզմում ապրող բակտերիաների տեսակ, այնքան էլ անվնաս չէ, որքան ենթադրվում էր, եւ կարող է վարակներ առաջացնել բրոնխեեկտազով, ասթմայով եւ թոքային քրոնիկ օբստրուկտիվ հիվանդությամբ պացիենտների մոտ:

Cell Host & Microbe ամսագրում հրապարակված հետազոտության մեջ գիտնականների թիմը համոզիչ ապացույցներ է ներկայացրել առ այն, որ Neisseria-ի տեսակները կարող են թոքերի հիվանդություն առաջացնել եւ կապված են բրոնխեեկտազ (թոքերի հիվանդության տեսակ) ունեցող հիվանդների վիճակի վատթարացման հետ:

Բրոնխեեկտազը երկարատեւ հիվանդություն է, երբ թոքերի շնչուղիներն անհայտ պատճառներով աննորմալ այնանում են Սինգապուրի հիվանդների 50 տոկոսի մոտ: Վիճակը չորս անգամ ավելի տարածված է ասիացիների մոտ եւ կարող է առաջանալ նաեւ տուբերկուլյոզ տանելուց հետո: Սինգապուրում Tan Tock Seng Hospital-ում անցկացված հետազոտության մեջ նկարագրվել է 2017-ին բրոնխեեկտազիայով 420 հոսպիտալացված հիվանդ: Հիվանդացության մակարդակը 10.6 է կազմում 100000 մարդու հաշվով եւ տարիքի հետ զգալիորեն աճում է։

Չնայած այս հիվանդության տարածվածությանը տարեցների շրջանում՝ բրոնխեեկտազիայի դեպքերի մեծ մասում ակնհայտ պատճառ չկա, եւ հիվանդությունը, որպես կանոն, սպոնտան է առաջանում։

Բացահայտելու համար առեղծվածը, թե ինչո՞ւ է բրոնխիեկտազը զգալիորեն ավելի հաճախ բռնկվել տարեց ասիացիների մոտ, գիտնականների միջազգային թիմը (Սինգապուր եւ մալազիացի) բրոնխեեկտազով 225 ասիացի հիվանդների հիվանդության եի վարակների տվյալները  համեմատել է Եվրոպայում բրոնխեեկտազով հիվանդների տվյալների հետ:

Հետագա հետազոտությունից հետո հետազոտական ​​թիմը հաստատել է, որ N. subflava-ն բջիջների ոչնչացում է առաջացնում, ինչը բորբոքման եւ իմունային դիսֆունկցիայի է հանգեցնում այդ բակտերիայով վարակված բրոնխեեկտազով հիվանդների մոտ:

Հայտնի է, որ Neisseria subflava բակտերիաների ենթատեսակը հայտնաբերվում է մարդու բերանի, կոկորդի եւ վերին շնչուղիների լորձաթաղանթում՝ առանց թոքերի վարակների հետ որեւէ հայտնի կապի:

Բակտերիաների այս ընտանիքը մարդու համար անվնաս է համարվել, իսկ դրանցից առաջացող վարակները մինչ այս նկարագրված չէին։