Քաղցկեղի դեմ պայքարը՝ օրգանիզմի իմունային բջիջները քաղցկեղը նպատակաուղղված սպանող բջիջների վերածելով   Science  ամսագիրը ճանաչվել է  տարվա առաջընթաց:

Իմունոթերապիան աշխատում է միայն փոքր խումբ հիվանդների  եւ միայն քաղցկեղի որոշ տեսակների դեպքում, ինչպիսիք են մելանոման եւ սպիտակարյունությունը, բայց փորձագետներն այն խոստումնալից են համարում:

Հետազոտությունը սկսվել է 1980-ականների վերջին, երբ  ֆրանսիացի գիտնականները T բջիջների վրա հայտնաբերեցին ընկալիչներ՝ CTLA-4 մոլեկուլը, որը կարեւոր դեր է խաղում իմունային համակարգի կարգավորման հարցում:

Տասը տարի անց Տեքսասցի հետազոտողները ցույց տվեցին, որ մկների մոտ CTLA-4 պաշարումը  «կարող է T- բջիջները վերափոխել ընդդեմ քաղցկեղային բջիջների՝ նվազեցնելով նրանց քանակությունը», հաղորդում է ամսագիրը:

Ներկա պահին հինգ դեղագործական ընկերություն աշխատում են իմունոթերապիայի ուղղությամբ: Bristol Myers Squibb ընկերության կողմից թողարկված Ipilimumab  անվանումով նոր դեղամիջոցը  հաստատվել է  2011թվականին եւ բուժման մեկ կուրսն արժե  120 000 դոլար:

2012 թվականի 300  հոգուց բաղկացած հետազոտությունը ցույց տվեց, որ դեղամիջոցը մելանոմայով հիվանդների 31%-ի, երիկամների քաղցկեղով հիվանդների 29%-ի եւ  17% թոքի քաղցկեղով հիվանդների մոտ կրճատեց ուռուցքը երկու եւ ավելի անգամ:

Հաջողված դեպքերից մեկը Էմիլի Ուայտհեդի դեպքն է, ով հիմա ութ տարեկան է: Անցյալ տարի նա դարձավ առաջին մանկաբուժական հիվանդը, ով ստացավ փորձարարական թերապիա սուր սիմֆոբլաստայի լեյկոզի դեմ:

«Նրա մոտ մեծ առաջընթաց է դիտվում: Քաղցկեղն արդեն 20 ամիս է ինչ վերացել է: Նրա առողջությունը լավ է, նա ամբողջությամբ լավացել է եւ վերադարձել իր դպրոցը, իր սովորական կյանքին»,AFP-ի հետ զրույցում պատմեց նրա մայրը՝ Քերին, տեղեկացնում է Newsmax Health-ը։

Էմիլին մահվան շեմին էր, եւ երկու ռեցիդիվներից հետո, բժիշկները խոստովանեցին, որ նա հույս չունի: Նրանց հույսը վերականգնվեց, երբ իմացան նոր փորձարարական T բջիջներով թերապիայի մասին եւ համաձայնվեցին փորձել այն իրենց դստեր վրա։