Արետա Ֆրանքլին. Փրինսի մահվան պատճառը Զիկա վիրո՞ւսն է

Հանրահայտ երգիչ Փրինսի մահվան պատճառը կարող էր լինել Զիկա վիրուսը: Նման ենթադրություն է հայտնել ճանաչված երգչուհի Արետա Ֆրանքլինը, MSNBC հեռուստաալիքի հեռուստաշոուի ժամանակ:

«Ասում են, որ նրա մոտ գրիպի նման ախտանշաններ էին: Գուցե դա ինչ-որ կապ ունի Զիկա վիրուսի հետ»,- ասել է նա:

Զիկա վիրուսը, որը տարածում են Aedes aegypti տեսակի մոծակները, սովորաբար դրսեւորվում է «գրիպանման ախտանշաններով»՝ տենդով, ցանով, հոդացավերով ու կոնյուկտիվիտով: Ճիշտ է, սովորաբար հիվանդությունն անցնում է առանց բարդությունների: Հիվանդությունենրի հսոկղության ու կանխարգելման ամերիկյան կենտրոնի մասնագետների խոսքով, Զիկա տենդով հիվանդներից քչերն են հայտնվում հիվանդանոցում կամ մահանում դրանից: Սակայն վիրուսը շատ վտանգավոր է հղի կանանց համար, քանի որ առաջացնում է պտղի միկրոցեֆալիա ու այլ բնածին արատներ:

Հիշեցնենք, որ հանրահայտ եգիչ ու երգահան Փրինսը մահացել է 57 տարեկանում: Ասում են, որ մահվանից մի քանի օր առաջ՝ ապրիլի 15-ին, նա հոսպիտալացվել էր գրիպին շատ նման հիանդության ախտանշաններով: Նրա մահվան իրական պատճառը դեռ հայտնի չէ:

Հետևեք NEWS.am Medicine-ին Facebook-ում և Twitter-ում