17 երկրի գենետիկների միջազգային խումբը գենետիկական տարբերակներ է հայտնաբերել, որոնք պայմանավորում են երջանկության, բարօրության զգացումը, դեպրեսիան եւ նյարդայնությունը: Հետազոտության արդյունքները հրապարակվել են Nature Genetics ամսագրում:
Գիտնականներն ընդհանուր առմամբ հետազոտել են 300 հազար մարդու գենոմային տվյալները: Գիտնականները գենետիկական երեք տարբերակ են հայտնաբերել, որոնք կապված են սուբյեկտիվ բարօրության հետ, այսինքն թե մարդն իրեն որքանով է երջանիկ զգում: Հայտնաբերվել է նաեւ երկու գեն, որոնք կապված են դեպրեսիվ ախտանիշների հետ, եւ 11 գեն` նյարդայնության:
Սակայն գենետիկները կոչ են անում զգուշություն պահպանել հետազոտության արդյունքները մեկնաբանելիս: Գենետիկական տարբերակները բոլորովին էլ 100 տոկոսով չեն կանխորոշում, թե ինչ-որ մեկի մոտ դեպրեսիա կզարգանա, նեւրոզներ կամ էլ երջանկության անբավարար զգացում: Գեներն ընդամենը գործոններից մեկն են, որոնք ազդում են այդ հատկանիշների վրա, բայց շրջակա միջավայրը եւս բավարար ազդեցություն է թողնում եւ կարող է փոխազդել ժառանգական էֆեկտների հետ:
Աշխատանքի արդյունքները այդ փոխազդեցությունների ուսումնասիրման նոր ուղիներ են ի հայտ բերում: Գիտնականները նախատեսել են ապագայում բացահայտել հայտնաբերված գեների աշխատանքի մեխանիզմը` հասկանալու, թե ինչու են որոշ մարդիկ մեծ մասամբ կենսաբանորեն կանխատրամադրված իրենց բարեկեցիկ զգալու, իսկ մյուսները` ոչ:
Հետազոտության արդյունքները հրապարակվել են Nature Genetics ամսագրում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր