Կանադայի առողջապահության նախարարությունը հաստատել է մարդուց մարդ Զիկա վիրուսի փոխանցման առաջին դեպքը, հայտնում է CP24 ինտերնետային պորտալը :
Պորտալի տվյալներով, Կանադայի քաղաքացին, որը վիրուսով վարակվել էր սեռական ճանապարհով, Օնտարիոյի բնակիչ է : Այլ մանրամասներ չեն հայտնում :
Սեռական ճանապարհով Զիկա վիրուսի փոխանցման առաջին դեպքը գրանցվել էր Դալլաս քաղաքում փետրվարի սկզբին :
Զիկա վիրուսը, որը փոխանցում են Aedes Aegypti տեսակի մոծակները, մինչեւ վերջերս գրեթե անվտանգ էր համարվում մարդու համար: Այդուհանդերձ, դրա մասին նոր տեղեկությունները ամբողջովին փոխել են այդ վերաբերմունքը: Առողջապահության համաշխարհային կազմակերպությունը այս տարվա փետրվարի 1-ին հայտնեց, որ Հարավային ու Հյուսիսային Ամերիկաների երկրներում Զիկա վիրուսի տարածումը միջազգային մասշտաբի բժշկական իրավիճակ է: Մասնավորապես հաստատվել է, որ Զիկա վիրուսը հղի կանանց մոտ առաջացնում է պտղի զարգացման շեղումներ: Դրանցից առավել ծանր է համարվում միկրոցեֆալիան :
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր