Հիվանդին ներպատվաստել են երիկամ, ենթաստամոքսային գեղձ ու գանգից մի հատված

Թեքսասի համալսարանին առընթեր Անդերսոնի ուռուցքաբանական կենտրոնի մի խոմբ վիրաբույժներ անսովոր ներպատվաստում են արել: Հիվանդին, որը տառապում էր գլխի մաշկի չապաքինվող վերքից, նաեւ երիկամների ու ենթաաստամոքսային գեղձի աշխատանքի խանգարումներով, ներպատվաստել են մազերով գանգի մի մաս, նաեւ երիկամներ ու ենթաստամոքսային գեղձ:

Հիվանդը 55-ամյա Ջիմ Բոյսենն էր, որին մոտ քսան տարի առաջ արդեն մեկ անգամ պատվաստել էին երիկամներ ու ենթաստամոքսային գեղձ, բայց ժամանակի ընթացքում այդ օրգանները սկսել էին վատ աշխատել:

Ամերիկացի բժիշկները՝ Լանգոն բուժկենտրոնի վիրաբույժ Էդուարդո Ռոդրիգեզի ղեկավարությամբ հայտնել են այն մասին, որ իրենց հաջողվել է մարդկային դեմքի պատվաստման բարդ վիրահատություն անել: Վիրահատությունը 26 ժամ էր տեւել:

Պատվաստումից հետո հիվանդը ստիպված է եղել իմունադեպրեսանտներ ընդունել, ինչը բարձրացնում էր քաղցկեղի զարգացման վտանգը: Քիմիաթերապիան ու ճառագայթային թերապիան հանգեցրել էին գլխի վրա չբուժվող վերքի առաջացման: Պահանջվում էր օրգանների կրկնակի պատվաստում ու բժիշկները որոշել են ալոգենային պատվաստում անել, ընդ որում բոլոր անհրաժեշտ օրգանները պետք է նույն դոնորին պատկանային:

Տղամարդու անունը ընդգրկել են սպասացուցակում ու կես տարի հետո հայտնվել է համապատասխան դոնորը՝ նրա օրգանները իմունոլոգիական տեսակետից համապատասխանում էին տղամարդուն, բացի դրաանից դոնորը մազերի ու մաշկի անհրաժեշտ գույն ուներ, նաեւ գլխի անհրաժեշտ չափ: Պատվաստման վիրահատությունը, որին 20 բժիշկ է մասնակցել, 15 ժամ է տեւել:

Հիմա արդեն վիրահատությունից մեկ տարի է անցել ու կարելի է ասել, որ այն հաջող է անցել, բոլոր պատվաստված օրգանները նորմալ գործում են: Պատվաստումից մի քանի ամիս անց օրգանիզմը սկսել էր վանել օրգանները, բայց բժիշկներին հաջողվել էր հաղթահարել այդ բարդացումները:

Հետևեք NEWS.am Medicine-ին Facebook-ում և Twitter-ում