ԱՄՆ-ի կառավարությունը լրացուցիչ 81 միլիոն դոլար է տրամադրել Զիկա վիրուսի դեմ պայքարի համար:
ԱՄՆ-ի առողջապահության եւ սոցիալական ծառայությունների նախարար Սիլվիա Բերուելը համապատասխան նամակ է ուղարկել, որի համաձայն, 34 միլիոն կտրամադրվի Առողջապահության ազգային ինստիտուտին, իսկ մնացած 47 միլիոն դոլարը` կենսաբժշկական հետազոտությունների եւ վիրուսի դեմ պատվաստանյութի ստեղծման աշխատանքի համադրման լիազոր մարմնին:
Ավելի վաղ ԱՄՆ-ի առողջապահության եւ սոցիալական ծառայությունների նախարարությունը նամակով կոնգրեսին էր դիմել «լրացուցիչ ֆինանսավորում ստանալու համար, որովհետեւ, տեսչության գնահատականի համաձայն, Զիկա տենդի դեմ պայքարի միջոցները ԱՄՆ-ում կսպառվեն սեպտեմբերին մոտ: Ներկայումս երկրում վիրուսի դեմ պայքարի համար արդեն 374 մլն դոլար է տրամադրվել, դրանցից 47 մլն-ը տրվել է առողջապահության ինստիտուտներին:
ԱՄՆ-ում Զիկա վիրուսի արդեն ավելի քան 1,6 հազար դեպք է գրանցվել, այդ թվում` մոծակներից վարակման 14 դեպք Մայամիում, որտեղ որոշ շրջաններում վարակված մոծակների պոպուլյացիա է հայտնաբերվել:
Զիկա տենդը կապիկների սուր վարակիչ հիվանդություն է, որը երբեմն մարդուն է փոխանցվում մոծակներից եւ բնութագրվում է բարենպաստ ընթացքով տենդով: Վիրուսն առավելապես վտանգավոր է հղի կանանց համար, որովհետեւ ենթադրվում է, որ այն պտղի մոտ միկրոցեֆալիա է առաջացնում` ուղեղի հնարավոր ծանր վնասմամբ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր