Ֆրանսիացի գիտնականները պարզել են, որ մարիխուանա ծխելը կարող է հանգեցնել տեսողության խանգարման: Կանեփի օգտագործումը փոխում է աչքի ցանցաթաղանթի նյարդային հանգույցների բջիջների ֆունկցիան, որոնք կազմավորում են տեսողական նյարդը: Հետազոտության արդյունքները հրապարակվել են JAMA Ophthalmology ամսագրում:
Ուսումնասիրության ընթացքում մասնագետներն օգտվել են էլեկտրառետինոգրաֆիայի մեթոդից, որի օգնությամբ կարելի է արձանագրել լուսային գրգռման դեպքում առաջացող բիոպոտենցիալը: Նյարդային հանգույցների բջիջների ակտիվության լավագույն չափիչը բացասական ալիքն է, որը նշվում է որպես N95:
Հետազոտություններին 52 մարդ է մասնակցել, որոնցից 28-ը կանոնավոր մարիխուանա է ծխել: Պարզվել է, որ վերջինների մոտ զգալիորեն մեծանում է N95-ի առավելագույն ամպլիտուդին հասնելու ժամանակը (9.8 երկվայրկյան): Այսպիսով, դանդաղում է ուղեղին տեսողական ազդակի փոխանցումը, ինչը կարող է բացատրել տեսողության խանգարումներն այն մարդկանց մոտ, որոնք կանեփ են օգտագործում:
Գիտնականների կարծիքով՝ ստացված տվյալները կարող են կարեւոր նշանակություն ունենալ հանրային առողջապահության տեսանկյունից, քանիոր թույլ կտան բացահայտել կենտրոնական նյարդային համակարգի վրա մարիխուանայի ազդեցության մեխանիզմը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր