Ծխախոտից կախվածության մեջ կոտինինն է մեղավոր

Նիկոտինի մետաբոլիտը, որը հայտնի է կոտինին անվամբ, ծխախոտից կախվածությունն ավելի կայուն է դարձնում։ Այս մասին հայտարարում են South Dakota State University-ի գիտնականները։ Նրանց խոսքերով, կոտինինը ծխախոտից եւ թութունից նույնիսկ ավելի մեծ կախվածություն է առաջացնում, քան նիկոտինը։

Ավելին, կոտինինը օրգանիզմում 7 անգամից էլ ավելի երկար է պահպանվում, քան նիկոտինը՝ կոտինինի քայքայումը տեղի է ունենում 15, իսկ նիկոտինինը՝ ընդամենը 2 ժամվա ընթացքում։

Գիտնականները հետաքրքիր հետազոտություն են անցկացրել տափակ որդերի վրա, որոնց մտցրել են կոտինինի երեք մակարդակ պարունակող լուծույթի մեջ, որից հետո 10 րոպե ենթարկել են լույսի ազդեցությանը։

Որդի վարքագիծը պետք է փոփոխվի լույսի եւ թմրանյութի ազդեցությամբ։ Գիտնականները հայտնել են, որ լույսի դիրքը փոխելու դեպքում որդը սողում է նրա հետեւից, եւ դա նշանակում է, որ որդը նախընտրում է այն միջավայրը, որտեղ կարող է կոտինին լինել։ Փորձի ընթացքում պարզվել է, որ որդերը սողում են լույսի հետեւից, քանի որ այն նրանց մոտ ասոցացվում է կոտինինի հետ։ Դա, գիտնականների խոսքերով, նշանակում է, որ կոտինինը, իրոք, ուժեղ կախվածություն է առաջացնում։

Հետևեք NEWS.am Medicine-ին Facebook-ում և Twitter-ում