Լայնադեմ մարդիկ ագրեսիվ եւ հաջողա՞կ են

Փորձեք ձեզ համար ամենատհաճ մարդկանց դեմքը պատկերացնել: Գիտնականներն ասում են, որ նրանց մեծ մասը պետք է որ լայն դեմք ունենան: Թեւ այդպիսի մարդիկ, ագրեսիվ եւ խաբեբայությունների սիրահար բնավորությանը զուգահեռ, նաեւ կոմպետենտ ու հաջողակ պետք է լինեն, հաղորդում է Medical Daily-ն:

Եթե եւգենիկայով զբաղվող գիտնականները նախկինում մարդկանց երկու հիմնական խմբի՝ նեղ եւ լայն ճակատ ունեցողների էին բաժանում, ապա ժամանակակից մեկնաբանության մեջ վարքագծային տարբերություններն առավելապես դեմքի լայնության եւ երկարության հարաբերությամբ են բնորոշվում: Քալիֆորնիայի համալսարանի գիտահետազոտական խմբերից մեկի նախաձեռնությամբ իրականացված ուսումնասիրությունները ցույց են տվել, որ լայնադեմ մարդիկ եսասիրության հաշվին աշխատավայրում հաջողությունների հասնելու եւ, մասնավորապես, առավել մեծ պարգեւավճարներ վաստակելու շանսեր ունեն:

Թեեւ առավել հրապուրիչ՝ նեղ եւ սիմետրիկ դեմք ունեցող մարդիկ գործարար միջավայրում համագործակցութուն կազմակերպելու առաքելություն ունեն, այնուամենայնիվ, բանակցությունների տեսանկյունից անհամեմատ զիջում են լայնադեմ մարդկանց, գտնում են հետազոտության հեղինակները՝ հիշեցնելով, որ բանակցելու մշակույթը ոչ միայն աշխատանքի ընթացքում է հարկավոր. այն մեր առօրյա կյանքի անբաժանելի մասն է կազմում: Սկսած խոհանոցից, որտեղ օրվա սննդակարգն է որոշվում եւ վերջացրած ննջասենյակով, որտեղ երեխաներին քնեցնել է պետք: Այնպես որ լայնադիմությունը թե անեծք, եւ թե աստծո շնորհ կարող է համարվել՝ կախված այն հանգամանքից, թե ով է դիտարկման հեղինակը:

Հետևեք NEWS.am Medicine-ին Facebook-ում և Twitter-ում