Նոթինգհեմի համալսարանի և գիտական այլ հաստատությունների բրիտանացի գիտնականների թիմը պարզել է, որ թոքերի քաղցկեղի սքրինինգ անցնող մարդկանց շրջանում ծխախոտից հրաժարվելու դեպքում աջակցության առաջարկը արդյունավետ կերպով նվազեցնում է ծխողների քանակը: Սա կրճատում է ծխելու հետ կապված հիվանդությունների հետևանքով մարդկային կյանքի հավանական կորուստները: Հետազոտությունը հրապարակվել է European Respiratory Journal (ERJ) գիտական հրապարակման մեջ:
Փորձի շրջանակում մասնագետները խորհրդակցել են 2150 մարդու հետ, որոնք հետազոտվում էին թոքերի քաղցկեղի հայտնաբերման համար և շարունակում էին ծխել: Նրանց առաջարկվել է միանալ ծխելուց հրաժարվելու ծրագրին՝ աջակցության խոստումով։
Արդյունքում հարցվածների 89%-ն ընդունել է առաջարկը, իսկ 75%-ը համաձայնել է ստանալ շաբաթական աջակցություն։ Մեկ ամիս անց 323 մարդ (15%) հայտնել է, որ կարողացել է թողնել ծխելը, իսկ նրանցից 266-ը համաձայնել են վատ սովորությունից հրաժարումը հաստատող թեստ անցնել։
Գիտնականները նշել են, որ բուժզննման ժամանակ մարդիկ հակված են լսել բժիշկների խորհուրդները, և դա նրանց հնարավորություն է տալիս զգալիորեն բարելավել իրենց առողջությունը՝ նվազեցնելով քաղցկեղի և այլ լուրջ հիվանդությունների զարգացման հավանականությունը։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր