Փորձագետները պարզել են, թե ինչու չի կարելի շորերով քնել

Քունը՝ զով միջավայրում, կարող է, ջերմության պահպանման նպատակով նյութափոխանակության արագացման հաշվին, հավելյալ կիլոգրամներից ազատվելու միջոց ծառայել: Բացի այդ, այն կարող է նաեւ շաքարախտի եւ այլ նյութափոխանակային խանգարումների առաջացման ռիսկը նվազեցնել, հաղորդում է Deccan Chronicle-ը: ԱՄՆ քնի ազգային հիմնադրամի նախաձեռնությամբ իրականացված միջազգային հետազոտության արդյունքների համաձայն, բոլոր վերը հիշատակված դրական ազդեցությունները կարելի է ընդամենը մերկ քնելով վայելել:

Քնով անցնելու համար մարդու մարմնի ջերմաստիճանը պետք է մոտավորապես կես աստիճանով ցած իջնի: Այդ ժամանակ ուղեղը սկսում է համապատասխան ազդանշաններ ուղարկել՝ արյունատար անոթների ուղղությամբ, որոնք էլ, իրենց հերթին, ընդլայնվում են եւ ջերմություն արձակում: Ներկայումս գնալով ավելի շատ տեղեկություններ են ձեռք բերվում շագանակագույն ճարպի մասին: Ի տարբերություն սովորականի, այն կալորիաների այրմանն է նպաստում: Այդպիսի ճարպեր մեծ քանակությամբ երեխաների օրգանիզմում կարելի է գտնել, ինչը նրանց մարմնում ջերմության պահպանման համար է անհրաժեշտ: Հետազոտությամբ պարզվել է, որ չափահաս մարդկանց օրգանիզմը եւս շագանակագույն ճարպեր է պարունակում: Իսկ գործունեության որոշ տեսակներ էլ, մասնավորապես՝ քունը՝ զով ննջարանում, կարող են դրանց ակտիվության աճ խթանել:

Բացի այդ, մերկ քնելը նաեւ ռոմանտիկ հարաբերությունների վրա է դրական ազդեցություն թողնում: Վերջերս Մեծ Բրիտանիայում՝ 1000 մարդկանց շրջանում անցկացված հարցախույզի արդյունքներն այն եզրահանգման են հանգեցրել, որ մերկ քնող չափահասների 57 տոկոսը երջանիկ են՝ հարաբերություններում՝ ի համեմատություն պիժամա, գիշերազգեստ եւ քնի կոմբինեզոն կրողների, որոնց պարագայում ցուցանիշը համապատասխանաբար 48, 43 եւ 38 տոկոս է կազմում: Սեքսոլոգ Դենիզ Նոուլզը համոզված է՝ մերկ քնելն օգտակար է նաեւ սեփական մարմնի բարեկազմությամբ մտահոգված մարդկանց համար:

Հետևեք NEWS.am Medicine-ին Facebook-ում և Twitter-ում