Կաթը անհրաժեշտ է երեխայի նորմալ զարգացման համար, վստահեցնում են գիտնականները, չէ՞ որ այն նպաստում է ոսկրային զանգվածի աճին: Բայց ի՞նչ անել, եթե երեխան կաթ չի սիրում կամ էլ չի կարողանում խմել, քանի որ չի յուրացնում լակտոզան:
Քլիվլենդի կլինիկայի մանկաբույժ Դեւիդ Շեֆրանը խորհուրդներ է տալիս նման երեխաների ծնողներին.
1. Երեխային անհրաժեշտ է կալցիում
Նախ պետք է հստակ հասկանալ, որ հենց կալցիումն է նպաստում երեխայի ոսկորների աճին ու ամրությանը: Հիշեք, որ ոսկորները աճում են միայն մինչեւ 20 տարեկան, որից հետո դրանց զանգվածն ավելացնել հնարավոր չէ, կարելի է միայն պահպանել այն, ինչ արդեն կա: Հենց դրա համար էլ այդքան կարեւոր է, որ երեխաները հնարավորինս շատ կալցիում ստանան: Ահա թե որքան է նրանց պետք մինչեւ չափահաս դառնալը
Իսկ 18 տարեկանից հետո օրական 1000-1200 մգ կալցիումը բավական է:
2. Կաթն ու կաթնամթերքը կալցիումի լավագույն աղբյուրներն են
Մանկաբույժի խոսքով, կալցիումի լավագույն աղբյուրներն են կաթը, պանիրը եւ մյուս կաթնամթերքները, նույնիսկ պաղպաղակը: Մեկ բաժակ կաթի մեջ 300 մգ կալցիում կա: Ստացվում է, որ երեխաներին օրական մոտավորապես 3 բաժակ կաթ է պետք, կալցիումի անհրաժեշտ քանակն ապահովելու համար:
3. Կալցիումի այլ աղբյուրներ էլ կան
Նրանց համար, ովքեր լակտոզա չեն մարսում, կալցիումի աղբյուր կարող է լինել սոյայի կամ բրնձի կաթը, բանջարեղենի որոշ տեսակները՝ բրոկոլի, կալե եւ այլն, մրգերը՝ օրինակ նարինջը , ինչպես նաեւ ձուկը: Ճիշտ է, ամենից շատ կալցիում, այնուամենայնիվ, կաթնամթերքն է պարունակում:
4. Կալցիում խմելու անհրաժեշտություն սովորաբար չկա
Մանկաբույժի խոսքով, կալցիում պարունակող սննդային հավելումները սովորաբար պետք չեն, քանի որ կալցիումով հարուստ բավականին շատ մթերք կա: Այդ նույնը վերաբերում նաեւ վիտամին D-ին, որն անհրաժեշտ է կալցիումը յուրացնելու համար. բավական է արեւի տակ մի քիչ ժամանակ անցկացնել, ու այդ վիտամինը կսինթեզվի մաշկի տակ:
5. Ուժային մարզանքներ
Սնունդը, իհարկե, նպաստում է ոսկորների աճին, բայց մեծ դեր են կատարում նաեւ մարզանքները, դրա համար էլ ֆիզիկական ակտիվությունը ծայրաստիճան կարեւոր է երեխաների համար: Շատ կարեւոր է անել այնպիսի ուժային վարժություններ, որոնց համար գործի են դրվում մկաններն ու ոսկորները: Ձեզ ենք ներկայացնում վեց լավագույն վարժությունները՝ ըստ մանկաբույժի.
Եվ այսպես, նույնիսկ եթե երեխան չի ուզում կաթ խմել, նրա սննդակարգը կարելի է այնպես կազմակերպել, որ նա ստանա իրեն անհրաժեշտ կալցիումի քանակը: Բացի դրանից նրան պետք է ստիպել սպորտով զբաղվել, այդ դեպքում երեխայի ոսկորները առողջ ու ամուր կլինեն:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր