Հայաստանում արդեն կարելի է մեծացնել կուրծքը եւ լավացնել նրա կառուցվածքը առանց սիլիկոնային իմպլանտների եւ պրոթեզների օգտագործման: Նոր տեխնոլոգիաների մասին, որոնց շնորհիվ դա հնարավոր է դարձել, NEWS.am Medicine-ի թղթակցի հետ զրույցում պատմել է պլաստիկ վիրաբույժ Գագիկ Ստամբոլցյանը:
Անցյալում կուրծքը մեծացնելու համար կրծքամկանի տակ սիլիկոնե իմպալնտ էին տեղադրում: Բժիկ Ստամբոլցյանի եւ «Ավանգարդ» բժշկական կենտրոնի իր գործընկերների կողմից օգտագործվող նոր տեխնոլոգիան ենթադրում է հենց հիվանդի հատուկ մշակման ենթարկված ճարպային բջիջների օգտագործումը:
Ինչպես բացատրեց Ստամբոլցյանը, հիվանդի ճարպային զանգվածից ամերիկյան հատուկ GID տեխնոլոգիաների միջոցով վերցնում են ցողունային բջիջները, այնուհետեւ ճարպային հյուսվածքը հարստացնում են ադ ցողունային բջիջներով եւ ներարկում են հիվանդի կրծքի մեջ: Սովորական ցողունային բջիջներով չհարստացված ճարպային բջիջներ օգտագործվել են նաեւ նախկիում, բայց հիմնական խնդիրն այդ ժամանակ այն է եղել, որ ճարպային հյուսվածաքն այդ դեպքում ուղղակի ներծծել է, եւ նրա ձգող եւ կուրծքը մեծացնղ հատկությունը շատ արագ կորել է: Նոր տեխնոլոգիաների եւ ցողունային բջիջների օգտագործման դեպքում, Ստամբոլցյանի խոսքով, ազդեցությունն ավելի տեւական է դառնում:
«Բնականաբար, եթե կինը հետո հղիանա, կրծքով կերակրի, նրա կրծքագեղձերի ձևը կփոխվի։ Բայց եթե նույնիսկ իմպլանտներ դնենք, եթե հետո կինը կերակրի, նրա կրծքերի ձևը կրկին կփոխվի», - ասաց նա։
Ընդ որում, ինչ վերաբերում է սիլիկոնային իմպլատներին, պլաստիկ վիրաբույժը ցրեց բոլոր կասկածներն այն մասին, որ վերջիններս կարող են ուռուցնքների առաջացման պատճառ դառնալ:
«Այն օտար մարմին է, և օրգանիզմը ձգտում է այն առանձնացնել, պատում է կապսուլայով։ Եթե կապսուլան լինի արտահայտված, այն կարող է սեղմել կրծքագեղձը, ինչը կհանգեցնի ցավերի և կրծքի ձևափոխման։ Բացի դրանից, ժամանակ առ ժամանակ այն պետք է փոխել։ Նոր տեխնոլոգիաների դեպքում ոչ մի օտար մարմին չի օգտագործվում, եւ օրգանիզմը ոչինչ չի մերծում», - ասաց նա։
Ինչ վերաբերում է այս տեխնոլոգիաների միջոցով կծրքի մեծացման գնին, ապա Ստամբոլցյանի խոսքով այն ավելի բարձր չէ մյուս պլաստիկ վիրահատութունների գնից:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր