Ո՞ր դիրքում է ամենից ավելի հեշտ բեղմնավորել կնոջը

Վերջին տասնամյակների ընթացքում տասնակի աճել է անպտղության տարածումը եւ այժմ զույգերի առնվազն 25 տոկոսը երեխա ունենալու հետ կապված խնդիրներ ունի։ Ինչ-որ բան կարո՞ղ է նպաստել բնական բեղմնավորմանը։ Կարող է, պնդում է բեղունության հարցերով փորձագետ Մերիլին Գլենվիլը։

Նրա խոսքով, սննդակարգը, ալկոհոլ չօգտագործելը եւ կոֆեինի օգտագործման սահմանափակումը մեծ դեր են խաղում հաջող բեղմնավորման գործում, սակայն շատ բան իրականում կախված է նաեւ այն դիրքից, որում զույգը փորձում է երեխա բեղմնավորել. Շատ կարեւոր է, թե ինչ եղանակով է սերմնահեղուկը ներթափանցում հեշտոց եւ հայտնվում ֆալլոպյան փողերում։ Դասական դիրքը, երբ տղամարդը վերեւում է, հղիանալու լավագույն շանսեր է ապահովում, պնդում է մասնագետը։

Իհարկե, այդ տեսությունն ապացուցող ոչ մի գիտական հետազոտություն չի անցկացվել, սակայն տրամաբանությունը խոսում է այդ դիրքի օգտին։ «Հարցն այն է, որ այդ դիրքում ամենից ավելի խորը ներթափանցում է տեղի ունենում, այնպես որ տղամարդու սերմնահեղուկը սերմնաժայթքման պահին ամենից ավելի մոտ է լինում արգանդի վզիկին,- բացատրում է մասնագետը։ Դա սպերմատոզոիդների երկար ուղեւորության համար հրաշալի մեկնարկ է ապահովում։ Որքան ավելի մոտ են նրանք ձվաբջիջներին, որոնք սպասում են մի քանի սանտիմետր հեռու գտնվող ֆալլոպյան փողերում, այնքան ավելի մեծ է հաջող բեղմնավորման հավանականությունը»:

Մերիլին Գլենվիլի խոսքով, սեռական հարաբերության ընթացքում ցանկացած դիրք, որը դեմ է ձգողության օրենքներին, այդ թվում նաեւ՝ հեծյալի դիրքը, կամ էլ նստած կամ կանգնած դիրքում սեռական հարաբերությունը ի վնաս է «սպերմատոզոիդների ուղեւորությանը», հետեւաբար նվազեցնում է բեղմնավորման շանսերը։ Իհարկե, բավականին հաջող է համարվում նաեւ «դոգգի» դիրքը, որի ընթացքում կինը դեպի առաջ է թեքվում՝ հենվելով դաստակներին, եւ նրա գլխի մակարդակը կոնքի մակարդակից ներքեւ է։

Հետևեք NEWS.am Medicine-ին Facebook-ում և Twitter-ում