Հայաստան դեղորայք ներկրելն ավելի թանկ արժե, քան Ռուսաստան եւ Ղազախստան: Այս մասին NEWS.am Medicine-ի թղթակցին ասել է հայկական «Լիկվոր» դեղագործական ընկերության գլխավոր տնօրեն Սերգեյ Մաթեւոսյանը: Նա նշեց, որ Ղազախստանում, ի տարբերություն Հայաստանի, սահմանին ԱԱՀ չի գանձվում, իսկ հենց դեղերի ԱԱՀ-ն, ինչպես Ռուսաստանում, շատ ավելի քիչ է, քան Հայաստանում (Ղազախստանում՝ 12%, Ռուսաստանում՝ 10%, Հայաստանում՝ 20%):
«Հարց է առաջանում ներկրման պահին գնագոյացության մասին: Հայաստանում սահմանն անցնելիս դեղի գինն ավելի թանկ է ստացվում, այսինքն՝ մեկնարկային պայմանները ձեռնտու չեն»,- պարզաբանեց Մաթեւոսյանը: Նրա խոսքով՝ դեղագործներն այս հարցը կներկայացնեն Մաքսային միությանն անդամակցության կապակցությամբ Հայաստանի կառավարությունում ստեղծված համապատասխան աշխատանքային խմբերին:
Հարցին՝ կարո՞ղ են դեղերը Հայաստան հասնել Ղազախստանով կամ Ռուսաստանով, եթե, որպես կանոն, միջազգային ընկերությունները բաշխման արտոնագիր տալիս են կոնկրետ երկրների, Մաթեւոսյանը նշեց. «Սա եւս բարդ հարց է, բայց արդեն այլ թեմա է: Դեղորայքն առողջության համար զգայուն ապրանք է, այն չի կարելի առանց սահմանափակումների փոխադրել մի երկրից մյուսը, նույնիսկ ՄՄ-ի սահմաններում»:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր