NEWS.am Medicine-ի խմբագրության կողմից հարցված հայերի 49 տոկոսը ոչինչ չի անում գրիպի կանխարգելման համար: Խմբագրությունը դա արձանագրել է հարցման արդյունքում, որի նպատակն էր պարզել, թե հայերն ինչպեն են պաշտպանվում գրիպից:
Հարցմանը մասնակցած մարդկանց 33 տոկոսը խոստովանել է, որ ջանում է առանց անհրաժեշտության տնից դուրս չգալ: Պատասխանողների 14 տոկոսը բազմամարդ վայրերում բժշկական դիմակներ է կրում եւ ջանում է շատ չմոտենալ այլ մարդկանց: Հարցվածների 4 տոկոսը հաղորդել է, որ գրիպի դեմ պատվաստում է արել:
Պատասխանողների մնացած 49 տոկոսը խոստովանել է, որ ոչինչ չի անում գրիպով վարակվելը կանխարգելելու համար:
Հարցմանը ընդհանուր առմամբ 513 մարդ է մասնակցել:
Հիշեցնենք, որ դեկտեմբերի վերջին եւ հունվարի սկզբին Հայաստանում գրիպի սեզոնային ակտիվացում է գրանցվել, որի արդյունքում հազար մարդ վարակվել է, նրանցից 18-ը մահացել է գրիպի հետ կապված բարդացումների հետեւանքով: Այսօր սակայն, երկրում իրավիճակը կայունացել է այդ թվում` դպրոցական արձակուրդը 3 շաբաթով երկարաձգելու շնորհիվ: Սակայն Հայաստանում գրիպի սեզոնը սովորաբար շարունակվում է մինչեւ ուշ աշուն:
Հիշեցնենք նաեւ, որ գրիպի պրոֆիլակտիկայի համար մասնագետները խորհուրդ են տալիս բազմամարդ վայրերում բժշկական դիմակներ կրել (այդ օրենքին հետեւում է հարցվածների ընդամենը 14 տոկոսը), շատ չմոտենալ հիվանդ մարդկանց, հաճախ լվալ ձեռքերը, կանոնավոր կերպով օդափոխել տարածքը եւ ճիշտ սնվել ամուր իմունիտետ ունենալու համար: Ռիսկի խմբի մեջ մտնող մարդկանց խորհուրդ է տրվում նաեւ գրիպի դեմ պատվաստում անել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր