Ամերիկացի գիտնականները դեղամիջոց են ստեղծել, որն ալկոհոլի հանդեպ զզվանք է առաջացնում: Նրանք հայտարարել են, որ մտադիր են պատվաստանյութի զանգվածային արտադրություն սկսել: Այս մասին հայտնում է Child Brand-ը:
Դեղամիջոցը մարդկանց մոտ ալկոհոլային խմիչքի հանդեպ անհանդուրժողականություն է առաջացնում: Դեղամիջոցի նման հատկությանը հասնելու համար մասնագետները ներազդել են կործանարար սովորույթների համար պատասխանատու գենի վրա:
Գիտնականները նախ փորձեր են կատարել առնետների վրա: Հաջող փորձերից հետո մասնագետներն անցել են մարդկանց վրա դեղամիջոցի ազդեցության հետազոտությանը: Փորձին 100 ամերիկացի է մասնակցել: Դեղամիջոցն ընդունողներն անմիջապես խումհարին նման նշաններ են զգացել, որից հետո փորձի մասնակիցների մեծ մասն ալկոհոլից հրաժարվել է: Այժմ գիտնականները պարզում են այն կողմնակի էֆեկտները, որոնք դեղամիջոցը կարող է առաջացնել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր