Նույնասեռականների ծնվելու մեջ իրենց ավագ եղբայրնե՞րն են մեղավոր

Կանադայից եւ ԱՄՆ-ից գիտնականների մի խումբ ներկայացրել է նույնասեռական տղամարդկանց լույս աշխարհ գալու կենսաբանական բացատրությունը: Ուսումնասիրողները ավագ եղբայրների թվի ու կրտսեր նույնասեռական եղբոր ծնվելու միջեւ կապ են հայտնաբերել մայրական կողմում: Հոդվածը հրապարակվել է Proceedings of the National Academy of Sciences ամսագրում:

Մասնագետները հայտնաբերել են, որ նույնասեռական որդի ունեցող կնոջ արյան պլազմայում բարձր է NLGN4Y սպիտակուցի նկատմամբ հակամարմինների մակարդակը՝ այն մայրերի համեմատությամբ, որոնք բացառապես հետերոսեքսուալ երեխաներ ունեն:

Կախվածությունն ավելացել է կրտսեր նույնասեռական եղբոր եւ ավագ հետերոսեքսուալ եղբոր դեպքում: Հեղինակների խոսքով՝ այս հետազոտությունը «կարեւոր քայլ է առաջ՝ տղամարդկանց սեռական կողմնորոշման աղբյուրները հասկանալու համար»: Այն նաեւ թույլ է տալիս ենթադրել, որ հոմոսեքսուալ սեռական կողմնորոշումը կապված է «տղամարդու սաղմնային ուղեղի զարգացման համար կարեւոր սպիտակուցի նկատմամբ մայրական օրգանիզմի իմունային պատասխանի» բնույթի հետ:

NLGN4Y գենը նույնանուն սպիտակուցն է կոդավորում, որը պատասխանատու է բջջի արտաբջջային ու այլ բջիջների հետ կապվելու կարողության համար, մասնավորապես, սինապտիկ կապի ձեւավորման համար:

NLGN4Y-ն արտահայտվում է գլխավորապես գլխուղեղում եւ շագանակագեղձում:

Հետևեք NEWS.am Medicine-ին Facebook-ում և Twitter-ում