• Latest news

Ամերիկացի գիտնականները հայտնել են ֆասթ ֆուդի եւս մի վտանգավորության մասին

30 մարտի, 2018  11:59

Տանը չսնվելու սովորությունը սպառնում է ոչ միայն քաշի ավելացմամբ՝ մեծ քանակությամբ շաքարի եւ ճարպի պատճառով, այլեւ օրգանիզմ քիմիական նյութերի ներթափանցմամբ, որոնք հորմոնալ խանգարումներ են առաջացնում: Այսպիսի եզրակացության են հանգել ամերիկացի հետազոտողները, որոնց հոդվածը հրապարակվել է Environment International ամսագրում:

Ամերիկացի գիտնականները պարզել են, որ ռեստորաններում եւ սրճարաններում սնվելը մեր օրգանիզմի վրա քիմիական նյութերի 35 տոկոսով ավելի մեծ ազդեցություն է ունենում, քան տանը սնվելը: Խոսքը պլաստիկե արտադրանքի մեջ պարունակվող ֆտալատների մասին է, որոնք խախտում են տղաների սեռական զարգացումը: Գիտությամբ ապացուցվել է, որ ֆտալատները կարող են լուրջ հորմոնալ խանգարումներ առաջացնել:

ԱՄՆ-ից հետազոտողները պարզել են, որ բուրգերի տեսքով մատուցվող տարբեր կարգի սնունդը վարակված է ֆտալատներով: Վաղուց ի վեր պլաստիկը ռեստորանային ինդուստրիայի կարեւոր նյութերից է, այն հատկապես շատ է օգտագործվում ֆասթ ֆուդում: Եթե պլաստիկե փաթեթն ինչ-որ կերպ վնասվում է, ապա մեծանում է հավանականությունը, որ դրա մեջ գտնվող սնունդը ֆտալատների չափաբաժին կստանա: Քիմիական այս նյութերը պարունակվում են մեծ թվով առօրյա իրերում՝ ատամի խոզանակից մինչեւ հագուստ եւ պլաստիկե ձեռնոցներ: Դրանք ավելի հաճախ պլաստիկից արտադրվում են տաքացնելու կամ շատ երկար պահպանելու դեպքում:

Բնական է, որ մենք նախընտրում ենք ռեստորաններում եւ սրճարաններում տաք սնունդ ստանալ, բայց հենց այդ պահին են դրանց մեջ ֆտալատներ թափանցում: Դրանից հետո մենք կարող ենք դրանք շնչել, կլլել եւ մարսել, կամ տոքսինները կլանել մաշկով:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է