Հայաստանում ակտիվիստները պահանջում են քրեական պատիժ սահմանել կենդանիների հետ դաժան վարվեցողության համար։
Հունիսի 25-ին լրագրողների հետ հանդիպման ժամանակ «Կենտավր» ՀԿ –ի ղեկավար Հասմիկ Հովհաննիսյանը հայտնեց, որ միայն վերջին տարվա ընթացքում Արագածոտնի մարզի Ուշի գյուղում գտնվող կազմակերպության կենտրոնում առնետի թույնից հինգ շուն է թունավորվել։ Քառոտանի կենդանիները, որոնց հիմնական մասը փողոցային անօթևան շներն են, այս կենտրոնում օգտագործվում են հաշմանդամություն ունեցող երեխաների հատուկ թերապիան կազմակերպելու համար ։ Հովհաննիսյանի խոսքով՝ հինգ տուժած շներից միայն երկուսն են ողջ մնացել։ Նրա կարծիքով՝ շներին միտումնավոր են թունավորել առնետի թույնով։
Ընդ որում օրենսդրական բացերի պատճառով մեղավորներին, նույնիսկ եթե նրանց գտնեն, սպառնում է միայն տուգանք՝ ունեցվածքի ոչնչացման համար։ Հովհաննիսյանը տարակուսանք է հայտնել այն փաստի կապակցությամբ, որ այդ տերմինը կարող ե տարածվել կենդանի արարածի վրա, որը սատկել է ծանր տանջանքներով։
Իրավիճակը բարդանում է նրանով, որ Հայաստանում չի վաճառվում հակաթույնը ՝ K1 վիտամինը։ Դրա առաջին խմբաքանակը «Կենտավր» ՀԿ-ի ջանքերով պատվիրվել է ԱՄՆ-ից, ու հանրապետություն կհասնի մոտ օրերս։ Մինչդեռ, նշվեց, որ նման հարցերն անհնար է լուծել բացառապես հասարակական սպեկտրի ջանքերով։ «Մենք ծրագրում ենք տվյալ խնդրով դիմել առողջապահության նախարարին»,- ասել է նա։
Լուծում պահանջող հարց է համարվում նաև առնետի թույնի ընդհատակյա վաճառքը, ինչը Հովհաննիսյանի խոսքով, բավականին տարածված երևույթ է Հայաստանում։
Propose կազմակերպության հայկական մասնաճյուղի ներկայացուցիչ Նարե Արամյանն էլ իր հերթին նշել է վարչական ու քրեական օրենսգրքերում փոփոխություններ կատարելու անհրաժեշտությունը՝ կենդանիների հետ դաժան վարվերցողության համար պատիժ սահմանելու համար։ Նման աշխատանք, նրա խոսքով, պետք է իրականացվի միջգերատեսչական մակարդակի վրա՝ ԱԻՆ-ի ու Ոստիկանության մասնակցությամբ։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր