Ամեն առավոտ մեկ գավաթ բնական սուրճը (այդ թվում՝ առանց կոֆեինի) կօգնի տկարամտության եւ Պարկինսոնի հիվանդության դեմ պայքարին: Այս մասին հայտնում է Health Medicin Network-ը՝ վկայակոչելով անցկացված հետազոտությունը:
Սուրճի բոված հատիկների գաղտնիքն այն է, որ բովելու ընթացքում ազատվում են ֆենիլինդանները, որոնք խոչընդոտում են Ալցհեյմերի եւ Պարկինսոնի հիվանդություններին հատուկ սպիտակուցների «կուտակմանը»: Խոսքը, մասնավորապես, բետա-ամիլոիդի եւ տաու-սպիտակուցի մասին է:
Միաժամանակ, գիտնականները չեն շտապում սեւ սուրճը դեղ կամ կանխարգելող միջոց համարել: Մի կողմից՝ մասնագետները նշում են այս ոլորտում լրացուցիչ հետազոտությունների անհրաժեշտության մասին: Սակայն, մյուս կողմից, այնուամենայնիվ խորհուրդ են տալիս սննդակարգում ավելացնել մեկ գավաթ թունդ սեւ սուրճ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր