• Latest news

Նոր Զելանդիայում տեղադրել են ամորձիների քաղցկեղի ախտորոշման կրեատիվ «խցիկ»

16 նոյեմբերի, 2018  10:47

Արեւմտյան երկրների տղամարդկանց շրջանում քաղցկեղի ամենատարածված տեսակներից մեկը ամորձիների քաղցկեղն է: Չնայած դրան, տղամարդկանցից շատերը չեն ցանկանում բժշկի գնալ, հատկապես՝ եթե բժշկի կաբինետում ստիպված են հանվել: Այսպիսի ամաչկոտ տղամարդկանց համար Օքլենդ քաղաքում (Նոր Զելանդիա) տեղադրել են ամորձիների ախտորոշման հատուկ խցիկ:

Կրեատիվ խցիկը տեղադրվել է Big Boys Toys էքսպոյի տարածքում՝ մեքենաների, գաջեթների, շինտեխնիկայի եւ այլ իրերի ցուցահանդես, որոնցով սովորաբար հետաքրքրվում են տղամարդիկ: Testimatic կոչվող խցիկի վրա գրված է, որ այն «ամորձիների աշխարհում առաջին ավտոմատ հետազոտողն» է: Իհարկե, իրականում խցիկում ոչ մի ավտոմատ բան չկա: Տղամարդը պետք է խցիկ մտնի, վարագույրներով ծածկի եւ տաբատն իջեցնի: Հարեւան խցիկում է գտնվում ուրոլոգը, որը հիվանդին չտեսնելով՝ ձեռքը կմեկնի պատին եղած ոչ մեծ անցքից եւ կշոշափի տղամարդու ամորձիները՝ կոշտացումներ, ուռուցքներ եւ քաղցկեղի այլ նշաններ փնտրելով: Այս միջամտությունը կտեւի ընդամենը երկու րոպե, որից հետո եթե ամեն ինչ նորմալ լինի, տղամարդը կկարողանա հանգիստ խղճով վերադառնալ ցուցահանդես:

Խցիկի գաղափարի հեղինակները հույս ունեն, ար այն կօգնի մեծացնել ամորձիների քաղցկեղի վաղ հայտնաբերումը, ինչպես նաեւ այս հիվանդության մասին տեղեկություններ տարածել թիրախային լսարանի՝ տղամարդկանց շրջանում:

Ամորձիների քաղցկեղը մեծ մասամբ (Նոր Զելանդիայում մինչեւ 90-99 տոկոս դեպքերում) բուժվում է, եթե այն վաղ փուլում են հայտնաբերում, հենց այս պատճառով այդքան կարեւոր են կանխարգելիրչ ստուգումները, նշում են գաղափարի հեղինակները:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել