Գիտնականներն ապացուցել են կանաչ տարածքներում զբոսանքների դրական ազդեցությունը:
Դանիայի Օրխուսի համալսարանի հետազոտողները վերլուծել են 1985-2013 թվականների մոտ կես միլիոն դանիացիների տվյալները: Արբանյակի լուսանկարների շնորհիվ՝ գիտնականները պարզել են, թե որտեղ են ապրել եւ մեծացել կամավորները՝ կանաչ թե կառուցապատված գոտում:
Ստացված տեղեկատվությունը համեմատելով մասնակիցների բժշկական տվյալների հետ՝ գիտնականները ուշադրություն են դարձրել 16 հոգեկան խանգարումների, այդ թվում դեպրեսիայի եւ շիզոֆրենիայի զարգացմանը: Ընդ որում հաշվի են առնվել այնպիսի գործոններ, ինչպիսսիք են սոցիալ-տնտեսական կարգավիճակը, ժառանգականությունը եւ այլն:
Պարզվել է, որ այն աձանց շրջանում, որոնք ապրել են կանաչապատ տարածքում, հոգեկան խանգարումների զարգացման վտանգը 55 տոկոսով ցածր է եղել: Բացի այդ կանաչ տնկիները բարենպաստ ազդեցություն են ունեցել կյանքի առաջին տասը տարիներին երեխայի հոգեկան աշխարհի վրա:
Այդ կապակցությամբ գիտնականները խորհուրդ են տալիս քաղաքի նախագծման ժամանակ հաշվի առնել կանաչ գոտիների մատչելիության ապահովման կարեւորությունը, ինչը դրական ազդեցություն կունենա քաղաքացիների հոգեկան առողջության վրա:
Ավելի վաղ կատարված հետազոտություններում նշվել էր, որ այնպիսի գործոններ, ինչպիսիք են աղմուկը եւ օդի աղտովածությունը, մեծացնում են հոգեկան շեղումների զարգացման վտանգը: Բացի այդ կանաչ գոտիները դրական ազդեցություն ունեն նաեւ երեխաների ֆիզիկական ակտիվության եւ կոգնիտիվ կարողությունների վրա:
Հետազոտությունը հրապարակվել է PNAS գիտական ամսագրում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր