Ինսուլինը կարող է պաշտպանել աղիների քաղցկեղից. հետազոտություն

Ավելորդ քաշը եւ ճարպակալումը բարձրացնում են կոլոռեկտալ քաղցկեղի առաջացման վտանգը։ Ինչպես ցույց են տվել վերջին հետազոտությունները, ինսուլինը թույլ է տալիս նորմայի բերել ավելորդ քաշով մարդկանց աղիների էպիթելները։

Max Planck Institute for Metabolic Research-ի գիտնականների խոսքով՝ ավելորդ քաշի ֆոնին աղիներում հաճախ նկատվում են էպիթելային շերտի բորբոքային պրոցեսներ։ Այդ շերտը հանդես է գալիս պաթոգենների պատնեշի եւ քաղցկեղային բջիջների դեմ պաշտպանողի դերում։

Եթե շերտը խախտվում է, հնարավոր է, որ առաջանա ուռուցք աղիներում։ Այդ պրոցեսը նաեւ խթանվում է ԴՆԹ խանգարումներով։ Ինսուլինն, իր հերթին, ակտիվացնում է սպիտակուցների արտադրությունը, որոնք կարող են պահել էպիթելային շերտի ամբողջականությունը։

Ճարպակալման դեպքում ինսուլինի հանդեպ զգայականությունը նվազում է, ուստի, հնարավոր է, ինսուլինի ներարկումը անհրաժեշտ արդյունքը չունենա։ Չի բացառվում, որ հարկ լինի մշակելու աղիներին ինսուլինի հասցման առանձին համակարգ, նշում են մասնագետները։

Հետևեք NEWS.am Medicine-ին Facebook-ում և Twitter-ում