Գազավորված քաղցր ըմպելիքը կարող է առաջացնել հաստ աղիքի քաղցկեղ

Օրական մեկ բանկա գազավորված ըմպելիքի գործածումը կարող է առաջացնել հաստ աղիքի քաղցկեղ: Այս մասին նշված է Science ամսագրում հրապարակված հետազոտության մեջ:

Փորձի ժամանակ մկներին, որոնք քաղցկեղի այս տեսակի նախահակվածություն ունեին, 8 շաբաթ ամեն օր տվել են ֆրուկտոզայի մեծ պարունակությամբ եգիպտացորենի օշարակի չափաբաժին: Նման քանակությունը համարժեք էր մեծահասակ մարդու օրգանիզմի վրա մեկ բանկա գազավորված քաղցր ըմպելիքի ազդեցությանը: Արդյունքում եգիպտացորենի օշարակ խմած կրծողների մոտ զարգացել են հաստ աղիքի չարորակ ուռուցքներ:

Ստացած արդյունքները հաշվի առնելով՝ գիտնականները խորհուրդ են տալիս հաստ աղիքի քաղցկեղի ախտորոշմամբ կամ քաղցկեղային հիվանդությունների նախահակվածությամբ մարդկանց խուսափել գազավորված քաղցր ըմպելիքների գործածումից:

Հետևեք NEWS.am Medicine-ին Facebook-ում և Twitter-ում