Կատուներից ալերգիայի դեմ աշխարհում առաջին պատվաստանյութը կհայտնվի  արդեն 5 տարուց

3 ապրիլի, 2019  16:30

Կատուներից ալերգիայի դեմ աշխարհում առաջին պատվաստանյութը կարող է հայտնվել  արդեն 5 տարուց: Այդ ուղղությամբ աշխատում են Ռուսաստանից եւ Ավստրիայից գիտնականները: Ակնկալվում է, որ պատվաստանյութը կպաշտպանի կատուների նկատմամբ  բոլոր տեսակի ալերգիաներից:

Սեչենովի անվան Մոսկվայի առաջին պետական բժշկական համալսարանի եւ Վիեննայի բժշկական համալսարանի մասնագտենրի մասնակցությամբ ռուս-ավստրիական նախագիծը ստացել է Cats Project անվանումը: Յուրաքանչյուր մասնակից երկրում գործում են լաբորատորիաներ եւ ինչպես նշում են հետազոտողները նրանք արդեն կարողացել են տպավորիչ արդյունքների հասնել:

Սեչենովի համալսարանի մոլեկուլյար բժշկության ինստիտուտի իմունոպաթոլոգիայի լաբորատորիայի վարիչ Ալեքսանդր Կարաուլովի խոսքով՝ գիտությանն այսօր հայտնի է 8 ալերգեն, որոնք կապված են կատուների հետ. դրանք բոլորը մազածածկույթում, թքում, քրտինքում եւ կատուների կենսագործունեության արտադրանքում առկա սպիտակուցներ են:

Պատվաստանյութը կազմված է արհեստականորեն ստեղծված, ռեկոմբինանտային պրոտեիններից եւ բոլոր հայտնի ալերգենների նկատմամբ իմունիտետ է ապահովում:

 

 

 

Ըստ կանխատեսումների՝ պատրաստի պատվաստանյութը շուկայում կհայտնվի արդեն 5 տարի անց: Կլինիկական փորձարկումները կտեւեն մինչեւ 3 տարի, եւս մեկ տարի թոքսիկոլոգիական հետազոտություններ կանցկացվեն եւ միայն դրանից հետո կսկսվի մարդկանց վրա փորձարկումը:

Հետևեք NEWS.am Medicine-ին Facebook-ում և Twitter-ում

loading...

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի