• Latest news

Լոբազգիների օգտագործումը կարող է հետաձգել դաշտանադադարը մեկուկես տարով. հետազոտություն

11 հուլիսի, 2019  10:53

Լոբազգիների կանոնավոր օգտագործումը կարող է հետաձգել դաշտանադադարի սկսվելը. այն կանանց մոտ, ովքեր ամեն օր լոբազգիներ են կերել, դաշտանադադարն սկսվել է իրենց հասակակիցներից մեկուկես տարի հետո։ Այս մասին տեղեկացնում են Լիդսի համալսարանի (Մեծ Բրիտանիա) գիտնականները։

Նրանք 914 կանանց մասնակցությամբ հետազոտություն են իրականացրել՝ պարզելու համար, թե կա արդյոք կապ սննդակարգի եւ դաշտանադադարի սկսվելու ժամանակի միջեւ։

Մեծ Բրիտանիայում դաշտանադադարի սկսվելու միջին տարիք է համարվում 51 տարեկանը։ Հետազոտությունը ցույց է տվել, որ այն կանանց մոտ, ովքեր հետեւում են միջերկրածովյան սննդակարգին, դաշտանադադարն ավելի ուշ է սկսվում։ Բայց ամենից ուշ (միջինը 52,5 տարեկանում) կլիմաքսն սկսվել է այն կանանց մոտ, որոնց սննդակարգում ընդգրկված են եղել լոբազգիներ՝ ոլոռ, լոբի, ոսպ եւ սիսեռ։

Գիտնականների խոսքով՝ լոբազգիները պարունակում են հակաօքսիդանտներ, որոնք կարող են ազդել ձվարանների գործունեության վրա եւ, հետեւաբար, երկարացնել բեղուն շրջանը։

Հետազոտությունը նաեւ ցույց է տվել, որ այն կանանց մոտ, որոնց սննդակարգում բարձր է եղել պարզ ածխաջրերի պարունակությունը, դաշտանադադարն սկսվել է 51 տարեկանից շուտ։

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի