• Latest news

Շոգ եղանակին ինչո՞վ են վտանգավոր սուրճն ու թեյը. պարզաբանում է դիետոլոգը

15 օգոստոսի, 2019  19:01

Ամռանը ճիշտ սնվելը օրգանիզմին կօգնի ավելի հեշտ հաղթահարել լրացուցիչ ծանրաբեռնվածությունը, որն առաջանում է շոգ եղանակի հետեւանքով:

Էնդոկրինոլոգ-դիետոլոգ Հասմիկ Աբովյանը NEWS.am Medicine-ի հետ զրույցում կարեւորեց սննդամթերքը պահելու եւ մշակելու կանոնների պահպանումը: Մթերքները պետք է թարմ լինեն, դրանք պետք է պահել սառնարանի մեջ, արգելված է հում եւ պատրաստի մսի կամ ձկան կտրատումը նույն տախտակի վրա:

Ինչո՞ւ է ամռանը նվազում մսի, ձկան եւ ծանր կալորիական մթերքների պահանջը:

«Որովհետեւ շոգ եղանակին մենք ավելի քիչ էներգիայի կարիք ունենք: Ցուրտ եղանակին մենք պետք է տաքանանք, կալորիաների սպառումը մեծանում է, աճում է ճարպոտ եւ տաք կերակուրի գործածումը: Շոգ եղանակին, հակառակը, հարկավոր է հովանալ, օրգանիզմը թելադրում է ուտել ավելի շատ մրգեր եւ բանջարեղեն, ավելի շատ հեղուկ խմել»,- պարզաբանեց Աբովյանը:

Ինչ վերաբերում է ամռան շրջանում գործածվող հեղուկի խորհուրդ տրվող քանակությանը, ապա փորձագետը նշեց, որ առողջ մարդու օրգանիզմը ջրա-էլեկտրոլիտային հաշվեկշռի կարգավորման բարդ համակարգ ունի: Զգուշավորություն պետք է դրսեւորեն տարեցները. նրանք կարող են չկողմնորոշվել, որ առողջական վիճակի վատթարացումը (թուլություն, սրտի խփոց, տախիկարդիա, մակերեսային շնչառություն) կարող են կապված լինել ջրազրկման հետ:

«Մինչդեռ առողջ մարդն ունի ջրա-աղային հաշվեկշռի կարգավորման հզոր մեխանիզմ»,- հայտնեց նա:

Հետաքրքիր է, որ տարածված ըմպելիքները՝ թեյը եւ սուրճը, կարող են դառնալ օրգանիզմի ջրազրկման պատճառ: «Դրանք հզոր դիուրետիկներ են, այսինքն՝ միզամուղ միջոցներ: Այս պատճառով թեյից կամ սուրճից հետո պետք է մեկ բաժակ ջուր խմել»,- խորհուրդ է տալիս Աբովյանը:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է