• Latest news

Շվեյցարացի գիտնականները շուտով  կատուներից ալերգիայի դեմ պատվաստանյութ կստեղծեն

20 օգոստոսի, 2019  23:40

HypoP ընկերությունից շվեյցարացի գիտնականները շուտով  կատուներից ալերգիայի դեմ պատվաստանյութ կստեղծեն:

Կատուներից ալերգիկ ռեակցիայի համար հիմնականում պատասխանատու է Fel d 1 սպիտակուցը, որը պարունակվում է կենդանիների թքում եւ մաշկում:

Հետազոտողներն առաջարկում են HypoCat կոմերցիոն անվանումով դեղամիջոցը ներարկել հենց կենդանիներին: Նյութը կազմված է գենետիկորեն ձեւափոխված Fel d 1-ից եւ օգնում է կատուների իմունային համակարգին չեզոքացնել տվյալ սպիտակուցը:

Նշվում է, որ դեղամիջոցն անվնաս է կատուների համար: Գիտնականները փոքր տարիքի 54 կենդանիների մասնակցությամբ փորձ են կատարել:

Պարզվել է, որ HypoCat-ի ազդեցությամբ կատուների մոտ  ավելանում է Fel d 1-ի նկատմամբ հակամարմինների արտադրությունը,  ինչը հանգեցնում է օրգանզիմում այդ սպիտակուցի կոնցենտրացիայի նվազմանը: Ընդ որում պատվաստում ստացած կենդանիները  մարդկանց մոտ, որոնք հակված էին կատուների նկատմամբ ալերգիային, ալերգիա չեն առաջացրել:

HypoP ընկերությունը նաեւ աշխատանքներ է կատարում շներից ալերգիայի դեմ HypoDog պատվաստանյութի մշակման համար:

 

Սպասվում է, որ երկու դեղամիջոցների  զանգվածային արտադրությունը կսկսվի մի շարք կլինիկական փորձարկումների անցկացումից հետո:

Հետազոտությունների արդյունքները ներկայացված են The Journal of Allergy and Clinical Immunology ամսագրում:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել անպտուղ զույգերին օգնելու համար:
2500 դրամ
5000 դրամ
10 000 դրամից ավելի
Ոչ մի