• Latest news▼

Աշխարհի ամենատարեց մայրիկը. 74-ամյա հնդկուհին երկվորյակ է ծնել

6 սեպտեմբերի, 2019  09:34

Հնդկաստանի Անդհրա Փրադեշ նահանգի բնակիչը, որը 74 տարեկանում հղիացել էր ԱՄԲ միջոցով, երկու աղջիկ է ծնել, հայտնում է Hindustan Times-ը:

Հիվանդանոցի տնօրենը հայտարարել է, որ Էրամաթի Մանգայաման ծննդաբերել է կեսարյան հատմամբ:

«Վիրահատությունը հարթ է ընթացել: Ե՛վ մայրը, ե՛ւ նորածինը առողջ են եւ ոչ մի բարդություն չունեն: Մորը, սակայն, տեղափոխել են ինտենսիվ թերապիայի բաժանմունք, որպեսզի կարողանա դուրս գալ վերջին մի քանի ժամերին վերապրած սթրեսից»,- ասել է նա:

Մանգայաման չի կարող երեխաներին կրծքով կերակրել, նրանք կաթ են ստանում դոնորական բանկից:

Տնօրենի խոսքով՝ տարեց կինը կարողացել է երեխաներին կրել եւ ծնել այն բանի շնորհիվ, որ չուներ այնպիսի բժշկական բարդություններ, ինչպիսին են դիաբետն ու հիպերտենզիան:

Մանգայաման եւ նրա 80-ամյա ամուսինը՝ Ռայա Ռաոն ամուսնացել են 1962 թվականի մարտի 22-ին: Վերջին 57 տարիներին զույգն անհաջող փորձում էր երեխա ունենալ: Սակայն արհեստական բեղմնավորման միջամտության շնորհիվ 74-ամյա կինը կարողացել էր հղիանալ ընթացիկ տարվա հունվարին:

Նախկինում արհեստական բեղմնավորման միջոցով մայրացած ամենատարեց կինը մեկ այլ հնդկուհի էր՝ Օմկարի Փանվարը, որը 70 տարեկանում 2008 թվականի ամռանը երկվորյակ էր ունեցել:

Հետևեք NEWS.am Medicine-ին Facebook-ում և Twitter-ում

Տպել   |  In English  |  На русском

 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է