• Latest news

ԱՀԿ-ն առաջարկել է «վախեցնող գրություններ» դնել աղամանների վրա

30 սեպտեմբերի, 2019  10:49

Տարբեր կազմակերպությունների գիտնականներ միավորվել են ԱՀԿ հովանու ներքո՝ սննդաբաժնում աղի համատարած չարաշահմանը դիմակայելու նպատակով, տեղեկացնում է «Մեդվեստի»-ն։

«Անառողջ սնունդը մարդկանց մահվան հիմնական պատճառն է ամբողջ աշխարհում, իսկ ամենագլխավոր մեղավորը աղի չափից ավելի օգտագործումն է, դրա պատճառով, ԱՀԿ գնահատականներով, 2017 թվականին զոհվել է ավելի քան 3 մլն մարդ»,- ասել է Օ՛Բրայենի հանրային առողջապահության ինստիտուտի եւ Քալգարիի Ալբերտի սիրտ-անոթային հիվանդությունների ինստիտուտի աշխատակից, բժշկության, ֆիզիոլոգիայի եւ դեղաբանության պրոֆեսոր, Հիպերտոնիայի համաշխարհային լիգայի նախկին նախագահ Նորման Քեմփբելը։

Առողջապահության համաշխարհային կազմակերպությունը պետությունների առջեւ խնդիր է դրել մինչեւ 2025 թվականը 30 տոկոսով կրճատել նատրիումի սպառումը։ Կառավարությունները եւ սննդարդյունաբերությունը համատեղ աշխատում են մշակվող սննամթերքներում աղի քանակության նվազեցման ուղղությամբ։

Սակայն, ԱՀԿ մասնագետների խոսքով, արդեն այժմ անհրաժեշտ է շտապ միջոցներ ձեռնարկել սպառողների իրազեկության բարձրացման համար։ Եվ ամենապարզ բանը նախազգուշացնող գրություն տեղադրելն է հենց աղի փաթեթների, ինչպես նաեւ սրճարանների ու ռեստորանների աղամանների վրա։

Մակագրությունների համար առաջարկվել է հետեւյալ ձեւակերպումը. «Նատրիումի ավելցուկն առաջ է բերում հիպերտոնիա եւ նպաստում ստամոքսի քաղցկեղի առաջացմանը։ Սահմանափակեք աղի օգտագործումը»։

«Մարդկանց մեծ մասը չգիտի, որ աղը, որն օգտագործում է, բարձրացնում է արյան ճնշումը եւ կրճատում նրանց կյանքի տեւողությունը»,- ամփոփել է Resolve to Save Lives-ի նախագահ եւ գլխավոր գործադիր տնօրեն, դոկտոր Թոմ Ֆրիդենը։- «Նախազգուշացնող մակագրությունները սննդամթերքների փաթեթների վրա եւ կերակրացանկերում կօգնեն նրանց ավելի առողջ ընտրություն կատարել»։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է