• Latest news

Ուշագրավ դեպք. Տղամարդու մաշկի տակ առաջացել է 8-սանտիմետրանոց օդի պղպջակ

3 դեկտեմբերի, 2019  13:30

Թոքերի քաղցկեղով 66-ամյա տղամարդու մաշկի տակ առաջացել է 8-սանտիմետրանոց օդի պղպջակ:

The Daily Mail պարբերականը հայտնում է, որ Ճապոնիայից պացիենտը հիվանդ էր թոքերի քաղցկեղով եւ 4 ամիս պարբերաբար ենթարկվում էր թոքերից հեղուկի ու օդի արտամղման միջամտության:

Պացիենտին մի քանի օր անհանգստացրել են մեջքի աջ կողմի ցավերը: Երբ նա այս գանգատներով դիմել է հիվանդանոց, նրան համակարգչային տոմոգրաֆիա են կատարել, եւ պարզվել է, որ նրա մոտ կա ենթամաշկային էմֆիզեմա. սա այն վիճակն է, երբ օդը հավաքվում է մաշկի խորը շերտերում: Մաշկի տակ հավաքված օդը առաջացրել էր 8 սանտիմետր տրամագծով պղպջակ: Չբուժելու դեպքում պղպջակը կարող էր աճել եւ փակել արյան հոսքը:

Բժիշկները պարզաբանել են, որ մշտական բժշկական միջամտությունների պատճառով տղամարդու թոքերի եւ մաշկի միջեւ խոռոչը մեծացել է, ինչը եւ բերել է օդի կուտակման:

Բժիշկները պլեւրոդեզ են կատարել. միջամտություն, որի ժամանակ տալկ է մտցվում թոքերի եւ կրծքային պատի միջեւ եղած տարածություն, ինչի հետեւանքով թոքը «կպչում» է կրծքային պատին, եւ տարածությունը, որտեղ կարող էին հավաքվել օդ կամ հեղուկ, կրճատվում է: Նրանք նաեւ 5 դրենաժավորում են կատարել, ներառյալ կրծքային խոռոչ են մտցրել պլեւրալ դրենաժային խողովակ, որպեսզի դուրս բերեն օդը, հեղուկը եւ թարախը:

Պատկերը՝ Kyorin University School of Medicine

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել անպտուղ զույգերին օգնելու համար:
2500 դրամ
5000 դրամ
10 000 դրամից ավելի
Ոչ մի