Նոր կորոնավիրուսի զոհերի թիվը հասել է 3497-ի, վիրուս են արդեն հայտնաբերել 97 երկրներում

Նոր կորոնավիրուսի զոհերի թիվը հասել է 3497-ի, իսկ բուն վիրուսը արդեն հայտնաբերել են աշխարհի 97 երկրներում:

Չինաստանում գրանցվել է վարակման 80 651 եւ մահվան 3070 դեպք: Հարավային Կորեայում՝ վարակման 6767 եւ մահվան 44 դեպք: Իրանում՝ վարակման 4747 եւ մահվան 124 դեպք, Իտալիայում՝ վարակման 4636 եւ մահվան ելքով 197 դեպք:

Ըստ worldometers.info/coronavirus/-ի տվյալների՝ Գերմանիայում  գրանցվել է վարակման 670 դեպք, Ֆրանսիայում՝ 653, Ճապոնիայում՝ 420, Իսպանիայում՝ 402, ԱՄՆ-ում՝ 333, Շվեյցարիայում՝ 214, Մեծ Բրիտանիայում՝ 164, Շվեդիայում՝ 137, Սինգապուրում՝ 130, Նիդեռլանդներում՝ 128, Նորվեգիայում՝ 127, Բելգիայում՝ 109 եւ Հոնկոնգում՝ 108: Մնացյալ երկրներում գրանցվել են կորոնավիրուսով վարակման 100-ից պակաս դեպքեր:

Վարակման մեկական դեպք է գրանցվել 24 երկրներում, այդ երկրների թվում է նաեւ Հայաստանը:

Այսօրվա դրությամբ՝ կորոնովիրուսից առողջացել է 57 622 պացիենտ: 41 188-ը դեռեւս բուժվում են, նրանցից 6153-ը (15 տոկոսը) ծանր կամ կրիտիկական վիճակում են:

Հետևեք NEWS.am Medicine-ին Facebook-ում և Twitter-ում