• Latest news

Թոքերը սկսել են տարօրինակ ձայներ հանել․ Կորոնավիրուսով վարակված մոդելը պատմել է իր ախտանիշների մասին

30 մարտի, 2020  20:52

Փարիզից 30-ամյա մոդել Ինտան Կլեմենտը վարակվել է կորոնավիրուսով եւ պատմել իր ախտանիշների մասին։ Նրա խոսքերով՝ իր թոքերը շնչելիս սկսել են տարօրինակ ձայներ հանել։

Daily Star-ը պատմում է, որ առաջինը վարակվել է Ինտանի զուգընկերը, եւ կինը ենթադրել է, թե նա պարզապես մրսել է, քանի որ ոչ մի ուրիշ ախտանիշ նա չի ունեցել։

Մեկ օր առաջ այն բանից, երբ Ֆրանսիայում ազգային կարանտին են հայտարարել, Կլեմենտը ընկերների հետ գնացել է Վալուար կոմունայում դահուկ քշելու։ Սահելու ժամանակ նա հանկարծ տարօրինակ թուլություն է զգացել եւ սկսել է դժվար շնչել։ Նա ենթադրել է, որ ինքը լավ մարզավիճակում չէ, քանի որ 10 տարի դահուկով չի սահել։

Հաջորդ օրը Կլեմենտը ընկերների հետ վերադարձել է Փարիզ։ Քանի որ գնացքի տոմսեր չեն եղել, նրանք ավտոմեքենայով են վերադարձել։ Ճանապարհին Կլեմենտի շնչառությունը դժվարացել է, նա սկսել է անընդհատ հազալ։

Ավելի ուշ նա նկատել է, որ իր թոքերը շնչելիս տարօրինակ ձայներ են հանում եւ տեսակապով կապվել է բժշկի հետ։ Բժիշկը ենթադրել է, որ նա մրսել է, եւ խորհուրդ է տվել պարացետամոլ ընդունել։

Մարտի 20-ին կլեմենտը, այնուամենայնիվ, որոշել է բժշկի մոտ գնալ։ Ինչպես պարզվել է, նա վարակվել է կորոնավիրուսով։ Այն ժամանակվանից նա հիվանդանոցում է եղել, առանձին հիվանդասենյակում, ուր ոչ մեկին թույլ չեն տալիս այցելել։

Կլեմենտի խոսքերով՝ ինքը վարակը լուրջ չի ընդունել եւ երբեք չի մտածել, որ կարող է վարակվել։ Այժմ նա բոլորին, անկախ տարիքից, խորհուրդ է տալիս չանտեսել անվտանգության միջոցառումները։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ