Իսպանիայում վերջին 24 ժամում գրանցվել է կորոնավիրուսային ինֆեկցիայի հետեւանքով մահվան 849 դեպք: Վկայակոչելով առողջապահության նախարարությանը՝ այս մասին հայտնում է Independent-ը:
Երկրում վարակվածների թիվը հասել է մինչեւ 94 417-ի, մինչդեռ դեռեւս երեկ կար 85 195 վարակված:
Ներկայումս Իսպանիան կորոնավիրուսի հետեւանքով մահվան դեպքերի թվով աշխարհում երկրորդ տեղում է՝ զիջելով միայն Իտալիային, որտեղ վիրուսի հետեւանքով մահացել է արդեն 11 հազարից ավելի մարդ:
Իսպանիայի իշխանություններն անգամ ամբողջ երկրում նոր դիահերձարանների կառուցում են սկսել, հայտնում է պարբերականը:
Ավելի քան 5600 պացիենտ հիմա ինտենսիվ թերապիայի բաժանմունքներում են, իսկ կորոնավիրուսից բուժվել է գրեթե 20 հազար մարդ:
Հիշեցնենք, որ կորոնավիրուսով է վարակվել իսպանացի հայտնի համաճարակաբան, Իսպանիայի առողջապահության նախարարության բժշկական նախազգուշացումների եւ արտակարգ իրավիճակների համակարգման կենտրոնի տնօրեն Ֆերնանդո Սիմոնը: Հենց նա էր պատասխանատու Իսպանիայում կորոնավիրուսի համավարակի դեմ պայքարի կազմակերպման համար:
Հիշեցնենք նաեւ, որ Իսպանիայում օրերս կորոնավիրուսային ինֆեկցիայի հետեւանքով հղի կին է մահացել: Նրա երեխան նույնպես ողջ չի մնացել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր