Ինչու որոշ մարդկանց քունն առնելու համար 5 ժամն էլ բավական է

Որոշ մարդկանց ընդամենը 5-6 ժամը բավարար է քունն առնելու համար, իսկ մյուսներն ավելի երկար քնի կարիք ունեն: Ինչպես պարզվել է, քնի տեւողության համար պատասխանատու է որոշակի գեն՝ հենց նրանից է կախված, թե երբ ենք մենք արթնանում առավոտները։

Հարցը hDEC2 գենի մուտացիայի մեջ է, որը հետեւում է, թե որքան է մարմնին հանգստի ժամանակ անհրաժեշտ եւ որքան շուտ մարդը պետք է արթնանա:

Կալիֆոռնիայի համալսարանի նյարդաբանության պրոֆեսոր Ին Հուեյ Ֆուն կարծում է, որ ապագայում աշխարհի մարդկանց մեծամասնությունը կունենա այս մուտացիան, եւ մենք կսովորենք վերահսկել մեր քնի ռեժիմը։

Ընդ որում, պրոֆեսորը չգիտի, թե ինչ հետեւանքներ է ունենում այդ մուտացիան մարդու ընդհանուր առողջության վրա, եւ արդյոք քնի քիչ տեւողությունը վնաս չի պատճառում օրգանիզմին:

Համարվում է, որ լիարժեք հանգստի համար մեծահասակ մարդուն անհրաժեշտ է քնել 6 ժամից ոչ պակաս։ Լավագունն այն է, որ գիշերային հանգիստը կազմի գոնե 8 ժամ։

Քնի ընթացքում մարդը ոչ թե պարզապես հանգստանում է, նա յուրացնում եւ վերամշակում է օրվա ընթացքում ստացած տեղեկատվությունը։ Ընդ որում, ակտիվանում է նրա իմունիտետը։ եթե մարդը լավ չի քնում, նրա գիտակցությունը կորցնում է հստակությունը, իսկ նյարդային համակարգը գերլարվում է։

Հետևեք NEWS.am Medicine-ին Facebook-ում և Twitter-ում