• Latest news

COVID-19-ի դեմ տոցիլիզումաբի արդյունավետությունը չի ապացուցվել

26 հունիսի, 2020  11:17

Դեղամիջոցների իտալական գործակալությունը (AIFA) ժամկետից շուտ դադարեցրել է COVID-19 կորոնավիրուսային ինֆեկցիայի բուժման մեջ տոցիլիզումաբ դեղամիջոցի պատահական ընտրանքով հետազոտությունները. այն չի նվազեցրել հիվանդության ծանր ընթացքի հնարավորությունը եւ չի մեծացրել պացիենտների ապրելիությունը, հայտնում է գործակալությունը:

Հետազոտությունն անցկացվել է Իտալիայի 24 բժշկական կենտրոններում՝ հաստատված COVID-19-ով 123 կամավորների մասնակցությամբ: Տոցիլիզումաբ ստացող պացիենտների խմբում սրացումներ են եղել գրեթե նույնքան հաճախ, որքան ստանդարտ թերապիա ստացող հիվանդների շրջանում՝ 28,3 տոկոս ընդդեմ 27,0 տոկոսի: Ինտենսիվ թերապիայի բաժանմունքում բուժում է պահանջվել տոցիլիզումաբ ստացող պացիենտների 10 տոկոսի համար, եւ միայն 7 տոկոսի համար՝ հսկիչ խմբից: Երկու խմբերում էլ մահացությունը փաստացի միատեսակ էր՝ 3,3 տոկոս ընդդեմ 3,2 տոկոսի:

Այս արդյունքների վրա հիմնվելով՝ AIFA-ն ժամանակից շուտ դադարեցրել է դեղամիջոցի հետագա հետազոտությունը եւ հանձնարարել այն փորձարարական դիտարկել այնքան ժամանակ, մինչեւ հայտնվեն այլ փորձարկումների ավելի համոզիչ արդյունքներ:

Սակայն Roche դեղամիջոց արտադրողը նախատեսում է COVID-19-ի ծանր ընթացքով պացիենտների բուժման մեջ տոցիլիզումաբի սեփական փորձարկումների III փուլի անցկացում: Reuters-ի տվյալներով՝ փորձարկումներին մասնակցելու համար ներգրավել են 450 կամավորների:

Տոցիլիզումաբը ռեւմատոիդ արթրիտի բուժման համար նախատեսված դեղամիջոց է: Այս դեղամիջոցով կորոնավիրուսային ինֆեկցիան բուժելու գաղափարն առաջացել է այն բանից հետո, երբ փետրվարին չինացի գիտնականները հրապարակել էին փոքր հետազոտություն, որը ցույց էր տալիս տոցիլիզումաբի պոտենցիալը, որը «հանդարտեցրել» էր օրգանիզմի չափից ավելի ագրեսիվ իմունային պատասխանը: Սակայն այդ հետազոտության մեջ հսկիչ խումբ չի եղել, ուստի անհնար էր դեղամիջոցի արդյունավետությունը համեմատել այլ թերապիայի հետ:

Նշենք, որ սարիլումաբ դեղամիջոցը, որը նախկինում կիրառվել է ռեւմատոիդ արթրիտի բուժման համար, նույնպես անարդյունավետ է COVID-19-ի դեպքում:

Բարիցիտինիբ դեղամիջոցը, որը եւս նախատեսված է ռեւմատոիդ արթրիտի բուժման համար, նույնպես պոտենցիալ արդյունավետ է համարվում COVID-19-ի դեմ: Սակայն առայժմ այն այդպիսին է համարում միայն ԱԻ-ն. այս դեղամիջոցի ռեալ փորձարկումների տվյալներ  դեռեւս չկան:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է