• Latest news

Ինչու՞ հակաբիոտիկները չի կարելի համատեղել յուղոտ սննդի հետ

22 հուլիսի, 2020  18:31

Հակաբիոտիկների եւ յուղոտ սննդի համադրությունը կարող է բացասաբար ազդել մարդու առողջության վրա, նախազգուշացնում են Կալիֆորնիայի համալսարանի մասնագետները:

Նրանք հետազոտություն են իրականացրել 43 առողջ եւ 49 հիվանդ մարդու մասնակցությամբ, ում մոտ գրգռված աղու համախտանիշ է ախտորոշվել: Ինչպես պարզվել է, հակաբիոտիկների եւ յուղոտ սննդի համադրության առկայությունը 8․6 անգամ մեծացրել է Քրոնի հիվանդության նման բորբոքային հիվանդությունների ռիսկը՝ հակաբիոտիկի օգտագործման պատմության եւ ճարպային սննդի նվազագույն քանակությամբ սննդակարգի բացակայության համեմատ, հայտնում է Novosti Mail.RU-ն:

Ուսումնասիրության համաձայն՝ սննդակարգում ճարպերի առավելագույն պարունակությամբ մարդկանց մոտ աղիների լորձաթաղանթի բորբոքման զարգացման հավանականությունը մոտ 2․8 անգամ ավել է եղել, քան՝ այն մարդկանց մոտ, ում սննդակարգում յուղոտ սննդի առկայությունը ցածր էր։ 

Ինչ վերաբերում է հակաբիոտիկներին, ապա նրանք, ով կյանքի ընթացքում ընդունել է այդ դեղամիջոցները, աղիների բորբոքային հիվանդության հավանականությունը 3․9 անգամ ավելի մեծ էր, քան նրանց մոտ, ով այդ դեղերը չի ընդունել՝ անկախ սնվելու ձեւից։

Ըստ գիտնականների՝ հակաբիոտիկների եւ ճարպային սննդի համադրությունը խաթարում է աղիների լորձաթաղանթի բջիջների միտոխոնդրիաների աշխատանքը, ինչի արդյունքում արգելափակվում է թթվածնի օգտագործման ունակությունը եւ աղիներում անբարենպաստ միջավայր է ստեղծվում օգտակար բակտերիաների համար: Մեծանում է նաեւ էնտերոբակտերիաների կոնցենտրացիան, որոնք բորբոքում են առաջացնում։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ