«Հայ» ասոցիացիան իր «Հայ զինվոր» նոր նախաձեռնության շրջանակում շարունակում է ուտելիք, հագուստ, դեղորայք եւ կենցաղային իրեր հավաքել մարդկանց համար, ովքեր տուժել են Արցախում Ադրբեջանի ագրեսիայի հետեւանքով:
Ասոցիացիայի հիմնադիր Տիգրան Հակոբյան-Հովհաննիսյանը NEWS.am Medicine-ի հետ զրույցում նշեց, որ մարդիկ շատ ակտիվ են, եւ յուրաքանչյուրն օգնում է՝ ինչով կարողանում է: Շատերը նվիրատվություններ են կատարում, մյուսներն օգնում են դասավորել եւ ուղարկել այնտեղ, որտեղ այդ նվիրատվություններն այժմ անհրաժեշտ են:
Նախօրերին ասոցիացիայի բազա այցելեց ՀՀ ՊՆ ներկայացուցիչ Արծրուն Հովհաննիսյանը: Ուղիղ եթերում նա ցույց տվեց սրահներից մեկը, որտեղ դեղորայք, սնունդ, հագուստ եւ այլ իրեր են հավաքում, եւ պատմեց, որ ամեն օր նման քանակությամբ մարդասիրական օգնություն է ուղարկվում արցախցիներին:
Նա հավելեց, որ իսկապես հպարտանում է, որ հայ է: Վերջին շրջանում նա ամեն օր տեսանյութեր եւ այլ ապացույցներ է ստանում այն մասին, որ ամբողջ աշխարհի հայերը՝ Լոս Անջելեսից Ավստրալիա, Աֆրիկայից Նոր Զելանդիա, անում են հնարավոր ամեն ինչ, որպեսզի օգնեն տուժած արցախցիներին:
Հիշեցնենք, որ Ասոցիացիայի բազան այժմ գտնվում է Բագրատունյաց 5 հասցեում: Այնտեղ կարելի է տանել հագուստ, սնունդ, շշերով ջուր, անձնական հիգիենայի պարագաներ եւ առօրյա կյանքում անհրաժեշտ այլ իրեր:
Նշենք, որ սա «Հայ» ասոցիացիայի երրորդ խոշոր ծրագիրն է: Առաջին տարին չէ, որ ասոցիացիան իրականացնում է «Հայ մանուկ» ծրագիրը, որի շրջանակներում այն օգնում է Հայաստանում անզավակ զույգերին` ֆինանսավորելով վերարտադրողական օժանդակ տեխնոլոգիաների կիրառումը: Այս ծրագրի շնորհիվ շատ անզավակ զույգեր վերջապես ծնող են դարձել:
COVID-19 համավարակի հետ կապված կարանտինի ամենաթեժ ժամանակ ասոցիացիան սկսել է նաեւ «Հայ տարեց» նախագիծը, որի շրջանակներում կամավորները սնունդ եւ առաջին անհրաժեշտության իրեր են տանում անմիջապես նրանց տները, ոպեսզի նրանք մեկ ամիս կարողանան դուրս չգալ տնից:
Տեղեկատվություն դրամական նվիրատվություն կատարել ցանկացողների համար.
Շահառուի բանկ` «Ամերիաբանկ» ՓԲԸ
Շահառուի անվանում` «ՀԱՅ» ասոցիացիայի Հայաստանյան մասնաճյուղ
Շահառուի հաշվեհամար` 1570060074860100
«Նպատակ» դաշտում պարտադիր պետք է նշել՝ հանգանակություն «ՀԱՅ ԶԻՆՎՈՐ» նախագծին,
ստացող դաշտում նշել՝ «ՀԱՅ» ասոցիացիայի Հայաստանյան մասնաճյուղ։
Դրամահավաքին միանալու համար ներբեռնեք հավելվածը`
iTunes: https://itunes.apple.com/us/app/association-hay/id1367431145?mt=8
Google Play: https://play.google.com/store/apps/details?id=com.asociacion.hay
Web page
http://asociacionhay.org/donate/project/1
GoFundMe:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր