Ինչպե՞ս տարբերել վնասակար հավելումներով ելակը բնականից

Բնական ելակը վնասակար հավելումներով ելակից կարելի է տարբերել հոտով եւ արտաքին տեսքով: Այս մասին հայտնում է «ՌԻԱ Նովոստի»ն` վկայակոչելով չինական Sohu պլատֆորմը:

Հոդվածի հեղինակի խոսքով` բնական աճեցված ելակը ընդգծված բույր եւ հարուստ համ ունի: Իսկ ահա հոտ չունեցող, սակայն վառ գույն ունեցող հատապտուղը, ամենայն հավանականությամբ, ներկանյութեր է պարունակում:

Բացի այդ, խորհուրդ չի տրվում խոշոր կամ անսովոր ձեւ ունեցող հատապտուղներ գնել. ըստ նյութի հեղինակի` ելակի մեծ չափը հաճախ հորմոնների օգտագործման արդյունք է: Հաճախակի օգտագործման դեպքում այդպիսի հատապտուղները կարող են վնաս հասցնել օրգանիզմին:

Պետք է ուշադրություն դարձնել նաեւ այնպիսի նշանի վրա, ինչպիսին է տերեւների գույնը հատապտուղի վերին մասում: Եթե ​​ելակը թարմ է, տերեւները պետք է վառ կանաչ լինեն: Եթե ​​դրանք մուգ երանգ ունեն, ապա հատապտուղները վաճառքի օրը չեն հավաքվել:

Հետևեք NEWS.am Medicine-ին Facebook-ում և Twitter-ում