• Latest news

«Կրկնակի մուտանտ». Հնդկաստանում հայտնաբերել են կորոնավիրուսի նոր շտամ

25 մարտի, 2021  12:39

Հնդկաստանում հայտնաբերվել է կորոնավիրուսի նոր եւ պոտենցիալ վտանգավոր տարբերակ, որը կոչվել է «կրկնակի մուտանտ», ինչպես նաեւ շտամներ, որոնք առաջին անգամ հայտնաբերվել էին Մեծ Բրիտանիայում, Հարավային Աֆրիկայում եւ Բրազիլիայում:

Համաճարակաբանները նշում են, որ նոր շտամն ունի վիրուսի արդեն հայտնի երկու տարբերակների հատկանիշները, հենց այս պատճառով են այն անվանում «կրկնակի մուտանտ», փոխանցում է Theguardian.com-ը:

Բջջային եւ մոլեկուլային մանրէաբանության կենտրոնի (վիրուսը սեքվենիրացնող 10 հետազոտական ինստիտուտներից մեկն է) տնօրեն, բժիշկ Ռաքեշ Միշրան նշել է, որ վիրուսի նոր տարբերակը երկու մուտացիա ունի սպիտակուցի սեպում, որը վիրուսն օգտագործում է բջիջներին ամրանալու համար: Մասնագետի խոսքով՝ այս գենետիկ փոփոխությունները կարող են մտահոգություն առաջացնել, քանի որ կարող են նպաստել վիրուսի ավելի հեշտ տարածմանը եւ խուսափեն իմունային համակարգից:

Նշենք, որ վիրուսը մուտացիայի է ենթարկվել համավարակի ամբողջ ընթացքում: Մուտացիաների մեծ մասն անհեթեթ են, բայց գիտնականները հետազոտում են, թե դրանցից որոնք կարող են նպաստել վիրուսի ավելի հեշտ տարածմանը կամ վատթարացնել մարդկանց վիճակը:

Առաջին անգամ Հարավային Աֆրիկայում, Մեծ Բրիտանիայում եւ Բրազիլիայում հայտնաբերված երեք տարբերակները համարվում են ամենատագնապահարույցը եւ նշվել են որպես «մտահոգություն հարուցող տարբերակներ»: Այս երեք տարբերակները հայտնաբերվել են Հնդկաստանում դեկտեմբերի 30-ից սեքվենիրացվող գրեթե 11 հազար նմուշների 7 տոկոսի մեջ: Դրանցից ամենատարածվածը առավել վարակիչ տարբերակն է, որն անցյալ տարի հայտնաբերվել էր Մեծ Բրիտանիայում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել