Կա՞ արդյոք կապ ֆիզիկական ակտիվության եւ ուղեղի աշխատանքի միջեւ

Ֆիզիկական բեռնվածությունները նպաստում են միջին տարիքի մարդկանց եւ տարեցների ուղեղի աշխատանքի բարելավմանը։ Գիտնականները կարողացել են հեռահար հետեւել այդ բարելավմանը։

Ինչպես նշում է Medportal.ru-ն, իմացական գործառույթների վրա ֆիզիկական ակտիվության բարերար ազդեցության մասին հայտնի է բավական վաղուց։ Իսկ այժմ գիտնականները ցանկացել են պարզել, թե հնարավոր է արդյոք ապացուցել ֆիզիկական ակտիվության եւ ուղեղի աշխատանքի բարելավման միջեւ կապը բջջային տեխնոլոգիաների օգնությամբ, որոնք նպատակ ունեն օգնել մարդկանց համավարկի դարաշրջանում։

Սան Դիեգոյի Կալիֆոռնիայի համալսարանի Բժշկական դպրոցի գիտնականների նոր հետազոտությունը ապացուցել է շարժական տեխնոլոգիաների օգտագործման արդյունավետությունը ֆիզիկական ակտիվության եւ ուղեղի աշխատանքի միջեւ կապը պարզելու համար։

Հետազոտությունը ցույց է տվել, որ այն օրերին, երբ ֆիզիկական ակտիվությունն ավելի շատ է եղել, 50-74 տարեկան մասնակիցներն ավելի արդյունավետորեն են կատարել առաջադրված գործնական խնդիրները, իսկ այն օրերին, երբ նրանց ֆիզիկական ակտիվությունը նվազել է, բարելավվել է նաեւ նրանց կոգնիտիվ գործունեությունը։ Ընդ որում՝ նշվում է պրոցեսի դինամիկան՝ ֆիզիկական ակտիվության եւ հանգստի հերթագայություն։

Ֆիզիկական ակտիվության եւ ուղեղի գործառույթների բարելավման միջեւ կախվածությունը պահպանվել է, երբ գիտնականները հաշվարկների մեջ են մտցրել մասնակիցների տարբեր հիվանդությունների մասին շտկումները։

Հետևեք NEWS.am Medicine-ին Facebook-ում և Twitter-ում